دائماً يمر على الانسان مواقف صعبه
فيكون للدمع دور في التخفيف عن حزن الانسان
قلم نزعته من أضلعي
لأكتب به كلمات حزن تحكي قصتي
وورقة شققتها من جلد جسدي
لأكتب عليها أن همي لن ينجلي
لمن قال ان البكاء والدموع للنساء فقط فـ ليراجع اخصائي قلب فان قلبه اقسى من الحجر
قصتي : محمد انا تعوقت ... هذي اول كلمه اسمعها منه بعد ان صار عليه حادث كانت دموعه تسابق حروفه اخذ يبكي وانا احاول اذكره بالله واحاول ان ازيل بعض مابه ما قدرت اجلس طلعت ما ابيه يشوف دموعي ويزداد همه رجعت له بعد نصف ساعة وكرر الكلمه محمد انا تعوقت محمد انا صرت معاق محمد انا مشلول طلعت من الغرفه وتغيرت نظرتي للعالم اصبح العالم مليئ بالسواد علمت ان الدنيا لا تسوئ جناح باعوضه قبل الحادث بنصف ساعه كنت معاه كانت اخر مره امشي معاه في الشارع وكان يقول لي محمد انا احس بشي غريب كنت انا معاه قبل اقامة صلاة المغرب وتوقفنا عند مسجد وصلينا بعد الصلاة وصلني لبيتي وهو في طريقه تعرضه طفل ما تجاوز الـ 14 سنه تخيلوا مين كان يطارد الطفل؟ كانت سيارة الشرطه خلفه وتخيلوا كيف الشرطه تطارد طفل جاهل القياده صدم بسيارة اخوي سلطان من الخلف وزحفت السيارة واستقرت على عمود الكهرباْ وكالعاده الشرطه على حق !!! ولم يتحمل الشرطي الارعن اي مسؤليه؟؟ كان تعليلهم السخيف ان الطفل هرب واهم يطاردونه؟؟ وش نبي بشخص اقصى حد وصل له هو شهادة الثانوي ليلي بعد اذا كان النظام يجيز لحثالة المجتمع ان ينصبهم في اهم وظيفه وهي حفظ الامن طفل ياعالم والله طفل لكن حسبي الله على من كان السبب الحادث كان قبل شهرين في نهاية شهر 12 الماضي سلطان الان ما يفارق منزله تدروووووووون ليش؟ يقول نظرات الاستعطاف والشفقه اللي يحصلها من الناس هي السبب ويقول انا اخرج لغير جو البيت وجو الحزن اللي اهو فيه لكن ارجع وقد ازداد همي هم اشد موقف تعرض له ومن بعده صار ما يطلع من البيت كنت طالع انا وسلطان ليلة خميس لمركز العاب بالياردوا وبلايستيشن (( البديعه بلازاء)) نزلته من السيارة واذا بسيارة فان تقف بجنبنا تخيلوا ليش واقفه السيارة؟؟ واقفه عشان اللي ما ادري ليش جاييه لمجمع شباااااااب يعني ما فيه محلات نسائيه ولا حتى ابو ريالين نزلت البنت ومدة عليه خمسه ريال !!! اهو قبل لا يرد عليها كانت دموعه اسرع منه ؟ واصر علي ان ارجعه لبيته ليش يا عالم النظره هذي الاعاقه ليست اعاقة الجسد الاعاقه اعاقة العقل وهوا دائماً ما يردد قوله صلى الله عليه وسلم [ما من مُسلم يصيبه أذى، شوكة فما فوقه، إلا كفّر الله بها سيئاته وحطت عنه ذنوبه كما تحط الشجرة ورقها] ____________ انا واخوي سلطان جمعتنا الدراسة من المرحله الابتدائية لحد ثالث ثانوي حافظ من القران 14 جزء <<<<< مع العلم ان ما احد يدري عنه الا انا واهله فقط اسئل الله له الشفاء العاجل وان يكون ما حصل له تكفيراً لذنوبه فلمـــاذا ...؟؟
لمـــاذا يرفض المجتمع تواجدهــمـ واختلاطهمـ مع من حولهم من الأصحـــاء ..؟؟
فـ((للأسف)) مجتمعنا يرفض أو يخجل من تواجد المعاقين بداخله ، فتراهم منبوذين في كل المجالات ، في التدريس والعمل والمواصلات وكل شيء .. اخواني انا ما كتبت الموضوع لمجرد زيادة مشاركاتي ولا كتبته لعضو يرد بكلمة شكر هدفي من الموضوع اولاً : الدعاء له بالشفاء وثانياً : ليش بعض الناس ينظر باستعلاء للمعاقين؟