نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

mazen_41 · #1 13/03/2007, 04:15 PM

انا اعرف ان الموضوع بدري عليه...
بس من القهر والله والنار اللي تقلي فيني خلاني اكتب هذا الموضوع...

السنه اللي راحت كنت اقول ياجماعه مايسترو ليبي لازم يجي الهلال...

بس ... جتلي ردود... والله انها قويه وتزعل ...

اللي قالي من ذا اللاعب ...

واللي قالي اما ليبي؟؟؟...

ودخلت مقهى النت ذاك اليوم وأقرأ...

توقيع الهلال مع التايب

والله اني صرخت داخل النت صرخه.

..اللي جنبي يقولي وش فيك؟؟؟ كسبت مليون...والله اني دعيت لكل من وقف ودعم هذي الصفقه..لاني متأكد انا التايب يمكن يعيد لنا جزء بسيط من ايام الفيلسوف الثنيان...وااااه من ايامك ياثنيان...

وجا التايب وفي ناس مايعرفوه...معذورين اللي مايعرفك يجهلك...ياتايب...

المهم...موهذا موضوعي...

موضوعي اجانب السنه الجايه...الى متى واحنا ندور على لاعبين برازيليين او اوروبيين مغمورين..

.ما نعرف عنهم شي ...

الى متى...

ليش مانقتنع باللاعب العربي.

..اذا احنا محتاجين مهاجم..المهاجمين ماشاء الله بالكوم المميزين والمشهورين وهدافين على مستوى عالي...

وكلهم يتمنون الهلال...بس اشاره وحده من الامير محمد بن فيصل ويجي اللاعب...

قبل اشهر ندور على مهاجم...وفي النهايه جينا على لاعب.... انا مااقول انه سيئ...ولكن في لاعبين في تلك الفتره افضل منه بالف مره كانوا يتمنون الهلال...واولهم اسماعيل مطر...يعني انا مستغرب...هل اسماعيل ماينفع للهلال...
يعني تخيل اسماعيل مع ياسر في الهجوم...او بدر المطوع... والله قوه هجوميه مالها حل...

ليش مانمشي على نهج اللاعب العربي المميز...زي صفقه الهويدي..بشار عبدالله..اشرف قاسم...وووووو....

لازم نتعلم من صفقه التايب...ونترك البحث ووجع الراس...

اتمنى من الاداره التجديد للبرنس الليبي والسد العالي تفاريز...

وجلب احد المهاجمين العرب المميزين اللي يقدرون يلعبون في مركز المهاجم وايضا مساند للهجوم...
اتمنى واحد من< بدر المطوع _اسماعيل مطر_ابو تريكه>...لان واحد من منهم مع ياسر

سلملي على دفاعات الفرق الثانيه...
صدقوني عمري ماكتبت موضوع زي هذا...بس انتم عارفين ... بعد مباراه الكويت والله اني انفجرت...

اتمنى هذا الكلام يوصل لرئيسنا الذهبي...لان هذا الرئيس لن يتكرر...

كلمه اخيره لرئيسناالغالي..................

شوف لنا حل مع سيريزيو...الرجال مخه فااااضي ...والدليل مباراه الفيصلي

اللللللللللللللللللله يخليلنا سامي .....