السلام عليكم ورحمة الله و بركاته الحمد لله والصلاة والسلام على أشرف الأنبياء و المرسلين... أما بعد
مساكم الله بالخير أيها الزعماء
الموضوع إلي راح أتكلم عنه ماهو إلا حوار دار بيني و بين أعز أصدقائي (المتعصبين) للهلال .... طبعا قبل كل مباراة لزعيمنا الآسيوي أدق عليه أو يدق عليّ و نتناقش على كيف راح يلعب المدرب.. و بأي أسلوب.. و كم نتوقع النتيجة ... طبعا هو مشاء الله علية إذا توقع يصيب (هذا توفيق من الله) .. في مباراة الماضية توقعها ثلاثية للهلال طبعا... على حساب فارق الإمكانيات بين هلالنا و الفريق الكويتي ... لكن خاب توقعه ..هذا المكتوب (الحمد لله على كل حال).. بعد المقدمة الطويلة (أنا آسف) .. أخش في صميم الموضوع. الموضوع كله هو رسالة من صديقي الغالي يقول: "أعلن أنا خليف الشمري بالوقوف مع نادي الهلال ضد من يشكك به .. وبإدارة النادي و نجومه المخلصين و أقول لهم ركود ركود الزعيم موجود .. وصدقوني الهلال راح يتأهل لبطولة أندية العالم و أحب أقول لمن يشكك بالزعيم بيتين أقول فيهم : لاتأسفن على غدر الزمان فطالما رقصت على جثث الأسود كلاب لاتحسبن برقصها تعلو على زعامها تبقى الأسود أسود و الكلاب كلاب (إذا جاكم الحوت ابعدوا عنه الحوت الأزرق وخروا عنه)
هذي نهاية رسالته ... وأنا أضم صوتي مع صوته ... وأتمنى من جميع الزعماء إنهم ما يقسوا على اللاعبين ... إلي راح راح و حنا عيال اليوم .. ولا تخلون غيرنا يتشمت فينا .. الهلال أول الدوري ... و وضعه ممتاز في كأس ولي العهد ... خلونا نفتح صفحة جديدة مع نجومنا .. وإن شاء الله ما راح يخيبون ضن جمهورهم الوفي ... أسف على الإطالة. نواف بندر التمياط (الفتى الذهبي)
أقول لبعض الهلالين (( ليش الهجوم على نواف التمياط سبحان الله قبل كانوا يقولون [نواف لاتخلينا وقع معنا] و اليوم يطالبون بإبعاده وشلون تنتظر من لاعب يقدم إلي عليه وهو يدري إن علية هجوم لاذع يا أخي حط نفسك مكانه بذمتك راح تلعب زين ؟؟؟ !! نواف راجع لكن إذا أرتم أنتم واللبيب بالإشارة يفهم)) ضالة الدفاع الهلالي (ماجد المرشدي& ياسر الياس)
أنا أطالب من منبر منتديات الزعيم بعودة اللاعب ماجد المرشدي (قلب الدفاع) و الظهير العصري ياسر الياس (الغير مدعوم إعلاميا) كلاهما صغيران في السن يعني بالعامية لو الهلال ما أعطاهم فرصة صدقوني راح تلقونهم في الفرق المنافسة لي هلالنا ... وبعدين راح نندم ندم ... ونقول ياليت الزمن يرجع ... أنا بعرف شي واحد يعني الواسطة لها دور حتى في التشكيلة أقسم بالله شي يقهر تشوف لاعب مهزوز و نكبة (بدون ذكر أسماء) يلعب على حساب لاعب تشوف في لعبة الحماس و القتالية و أهم شي (مافية غباء). أدري إني طولتها ((حبتين)) لكن حبي للهلال خلاني كذا.. المعذرة على الإطالة ... ((إن أصبت فمن الله .. وإن أخطيت فمن نفسي و الشيطان)) تقبلوا تحياتي ... [email protected]