اجل خذ الموقف ذا

مره كنت في البحرين و قاعد اتمشى في المرديان المهم تغديت و عينت من الله خير و قعدت احتسي قدحا <======== يمديكم على قدحا
من الكافوتشينو و كان الكافوتشينو يهوس و قاعد داق سوالف انا و الي معي <======= ترى اخوياي و تراهم شباب لحد يشطح غلط

المهم خذتنا السوالف و الا مع السوالف جاني أأح <=== عاد افهموها

المهم قمت ما كنه فيني شي الوضع طبيعي سألوني الشباب وين رايح <== و الله الملقف بعد

قلت : هاه ......لا ابد بكلم تلفون

و اروح ادور دورة مياه و احصل وحده و ترى الباب كان مفتوح <=== اعلمك بعد شوي ليش قلت الباب مفتوح

المهم دخلت و مشت الامور على ما يورام توني بطلع ما بعد فتحت الباب الا بنتين داخلات الحمام و انا متوهق ماعاد قدرت اتحرك من مكاني و الا ابي اتنفس او اتكلم عشان ما يدرون اني داخل و اقعد استنى استنى و هم يتمكيجون <======= ما حلى المكياج الا الحين

و احتريهم الين ما طلوع يوم طلعو و انقز كما الذيب ابي اطلع بسرعه و على طلعتي الا وحدة ثانية متوجهه الى الحمام و انا ما عرفت ادخل و الا اطلع قلت في نفسي : ياولدي خربانه خربانه اطلع بس

و اطلع و الا هي في وجهي و انا سويت نفسي ما اشوفها و حاس انها تضحك علي و انا ودي اقول : ترى الباب كان مفتوح و الوضع متأزم عندي و الشوف قل و ما شفت كانه حمام نساء و الا رجال

عاد الطامة الكبرى ان واحد من الشباب شافني و انا طالع من هناك هو صار وجهه كذا و انا صرت كذا و يسألني وراك طالع من هناك

انا قلت له : هاه لا بس الارسال كان هناك اقوى

بس علمته بسالفة و حلفته ما يقول للشباب عشان ما يمسكونها علي طول اليوم و الى يومك ذا و الرجال مكتم على السالفة و لا قالها لاحد.