ههههههههههههههههههههههههههههههههههههههه

عاد تذكرت موقف صار لي

هذا طال عمرك قبل العام يعني الصيفيه موب الي راحت الي قبلها

كنت مسافر لاورلاندو في فلوردا في الولايات المخده المهم كنت اتمشى في ولات ديزني لحالي في ابكوت سنتر الي هو احد الحدائق حقت ديزني ( تراه الي فيها الكره البيضاء الكبيرة مره)
المهم انا كنت ماشي لحالي و معي الخريطه حقت البارك و انا العاده ملقوف الي اعرفه و الي ما اعرفه اخشه عاد مريت من عند محل و احصل عنده سرا و اناظر في الخريطة و الا المحل ذا موب موجود في الخريطة

انا صرت كذا و كل العادة القافة لعبت دورها في مثل هذا الموقف و اقول في نفسي : ما دام انهم ماحطو المحل ذا في الخريطه و السرا عليه طيول اجل المحل ذا طلقه <==== مسوي فيها ذيب

المهم و اطمر في السرا و احتري و احتري و اثرهم يدخلونا مجموعات مجموعات عاد يوم جى دور مجموعتان و الا يدخلونا في غرفة لحالنا انا صرت كذا قلت وش بيسوون ذولا عس بس ما يصير فيها خطف و الا بيدخلون عيره علينا و يجلدونا الين نتفل العافية

المهم و ينفتح الباب و الا من تتوقع يدخل؟؟؟





















ميكي ماوس و ما اشوف الا البزران قامو يطامرون من الفرحه و اثره اذا المحل ذا يجيه للي بيصور معاه عاد انا لحالي و الي داخلين اما بزارين او ابهاتهم عشان يصورون عيالهم عاد انا استحيت:p رجال طول و عرض داخل لحاله يصور مع فار المهم و اسحب نفسي الين عند الباب و الا كان في وحده واقفه عند الباب و هي الي تدخل العالم يوم شافتني قالت لي : ما تبي تصور مع ميكي عاد انا قلت باتسامه صفرا لا ابي بس نسيت الكاميرا حقتي و بروح اجيبها المهم هي حجرت لي و قالت :معاي كاميرا اذا تبيني اصورك انا صرت كذا و اقول في بالي ( ياملحي اقصد بها المره) قلت لها لا انا ما اصور الا بكامرتي