استأذن صاحب الموضوع لأني رديت كم مره .. واوعدك هذي اخر مره :p

إقتباس الرسالة الأصلية كتبت بواسطة الموهوووم عتبنا على نواف نابع من حرصنا على النادي بس من يفهمك كن نواف مقدس فوق النقد

انت تشوف النقد بهالطريقه .. ما اتكلم عن عضو معين بل مجموعه ..

واحد يجي ويقول نواف تكفى سو نفسك مصاب !!

يرد عليه واحد ويقول ان شاء الله يُصاب صدق !!

وواحد يقول ارسلوه اعاره للفيصلي .. والثاني يقول طابت النفس
بيعوه على الاتحاد !

هذا اسمه نقد !

إقتباس الرسالة الأصلية كتبت بواسطة 9 خطر 9 خطر 9 قفله: قطعتو جلد سامي المباراة اللي راحت يامشجعين نواف وليس الهلال وجاكم الرد بعدها بمباراة لكن تقدرون تقولون لي نواف كم له مالعب كويس؟؟؟؟؟ له سنه ياحبايبنا ,,,,, بعد مباراة الأهلي

وش ذا الكلام اللي انت تقوله

افهم من كلامك انك بكذا انت اللي تشجع لاعب معين على حساب النادي

عموماً سامي في موسم كامل عام 1416 هـ ما سجل اي هدف .. ووقفت مع الجماهير
الزرقاء الحقيقيه .. ورجع بهدفين في النهائي وجاب الكاس

عموماً مانقيس اي لاعب على سامي لأن سامي ( خُرافي ) يعرف متى يعود .. ويعرف
كيف يعود

اما ابو بندر
فنواف صارت له ظروف صعبه هي اللي ساهمت في هبوط مستواه .. ولو مانذكر منها
الا الوفيات فقط ( الله يرحمهم برحمته )

نواف الموسم الماضي .. كان مستواه اكثر من ممتاز قياساً بأنه عائد من اصابه .
الموسم هذا هبط مستواه .. وهذا هبوط طبيعي اي لاعب في العالم يهبط مستواه
في فتره من الفترات ثم يرجع الى مستواه المعهود ..

اللاعب في هذه الفتره يحتاج الى وقفة الجمهور معه .. لأنه يلعب وهو شاك ان
الجمهور مايبيه بسبب المواضيع السخيفه .. وعدم تشجيعه في الملعب ..


لكن إحنا

بدل مانوقف معه .. نجي ننتقده باسلوب جارح ..!

ونبيه يرجع لمستواه ..

الامر معنوي فقط .. وان شاء الله جمهور الزعيم مايقصر ..

ان شاء الله يعود الفتى الذهبي لسابق عهده