هلا والله بـ راشد

شف يالغالي محد يختلف ان برنامج شاعر المليون احد اهم اهدافه ان لم يكن الرئيسي هو الربح المادي ..
وهنا محد يلوومهم ..
البرنامج بكل صراحه اكثر من رائع .. لكن عيبه الوحيد هو سالفة الاغاني بكل صراحه لو يكنسلونها احسن ..
وفوق هذا كله الضيف لو يعطونه حقه شوي يكون افضل مهوب يجيبونه عشان يكون فاصل لين ما يوصل الشاعر للمجلس .. او الميلس على قولة روضة ..

عيب البرنامج هو اعتقاد بعض الشعراء ان اساس النجاح هو مدح القبيلة .. وهو اعتقاد خاطئ ..
لكن على ارض الواقع هو الاعتقاد الصحيح .. مثلاً لو كنت تبي تصوت وكان فيه شاعرين من نفس قبيلتك ..
الاول قصايده حلوه وكل شي لكن ما افتخر في القبيلة ومن هالكلام والثاني شعره نص ونص .. لكن كل قصيدته في القبيلة .. نفسياً تبي تميل للي مدح القبيلة لان هذا شي غرائزي في الانسان .. يحب يسمع المدح سواء في شخصه او عائلته او في قبيلته .. وهنا اتكلم عن الشخص اللي يبي يصوت (( يعني مصوت مصوت الله لا يعوق بشر ))


اللجنة مختلفة .. اللي فيهم يعلق وينتقد بشكل صحيح هم المسعودي والدكتور غسان وفي بعض الاوقات العميمي ..
لكن تركي وحمد بكل صراحه مهوب ينتقدون ولا يقيمون ولا شي .. تركي ما ازيد على كلام اللجنة .. وحمد فالك المليون ومافيك حيله ..

ان كنت اعتب على البرنامج هو في الجولة الماضية يوم يخلي الحكم الاكبر للجمهور بنسبة 70 % !!

بالنسبة للمشاركين بالعكس يالغالي .. اذا خلوا المجال مفتوح احسن لان سواء انت شخص مشهور والا لا .. شعرك يبي يثبت هالشي حتى لو ما تأهلت او فزت .. ومشاركة شعار معروفين من قبل المخرج عاوز كده ;) زيادة للدعاية ومجانية بعد

إقتباس الموقف الأول : كنت أسير في في مكان عام ومر بقربي رجل وإذا بزميلي يشير إليه ويقول هل عرفته فقلت لا ,, فقال هذا الشيخ محمد بن زايد ,, لم يكن معه إلا ثلاثة رجال وبعيدين عنه ,, فقلت دعني أقترب منه لأتأكد فلحقت به ونظرت إليه فإذا هو بالفعل ولم يكن يفصلني عنه إلا مسافة قريبة ,, كم هو متواضع وحبيب وهادئ ,, ولا أستغرب حب شعبه له ,

ابو خالد رجل من النوع النادر بكل صراحه .. متواضع حبيب طيب القلب والشخصية رجل ذو خير وحريص على الخير ..
كما وصلني من احد رجال الخير في هذه البلد .. يمدحه بشكل كبير .. قال عنه كلام اذا سمعته ما تستغرب حب الناس للانسان هذا .. ناس واجد اعرفهم ما قد شافوه واجد ولكن يحبونه ويقدرونه مع انه مابينهم وبينه اي شي ..

تكفى قل انك سلمت عليه ؟؟

إقتباس الموقف الثاني : خرجت من مسرح شاطئ الراحة أنا وإثنان من زملائي وكان لايوجد حولنا سياراتأجرة فقلنا لشاب إماراتي يسير بجانبنا ,, يا أخي نريد أن تصف لنا مكان سيارات الأجرة فقال لنا سأوصلكم لها ,, فأركبنا في سيارته ثم انطلق بنا فقال يا اخوان لم يعد في الأمر سيارات أجرة فأنتم ضيوفي وأنا من العين وأريدكم أن تذهبوا معي لإكرامكم فشكرناه على قوله وقلنا جزاك الله خيرا نريد أن توصلنا لأقرب أجرة للذهاب إلى مقر سكننا فرفض وقال إذا أوصلكم بنفسي وسار بنا تقريبا 40 كم بعد أن مر بنا على محل قهوة وبعد أن أعتذر لعدم وجود أحد معارفه في أبو ظبي ,, كم كانت أخلاقه رائعة ونموذج للشاب العربي المضياف ,, واسمه عبدالله المنصوري فله تحياتي وشكري أينما كان ,,

اهل الامــارات .. شعب مضياف وكريم .. وطيب وخدوم لـ ابعد درجه ..
كثير سمعنا من هالمواقف اخوي راشد ..
صعب اتكلم عن اهل الامارات اخاف يأخذني الكلام وامسك خط من حبي لهم ..

إقتباس الوقت ما تاليه معنا بزاين والبر في حادور من حين لاحين أدناه مليان كراتين فاين واقصاه ضاق وضيقوا به هل الضين وضاقت مناهج طيبين الضغاين اللي على المقناص بالطير ضارين واليوم كان اللي يحاكيك ماين هذي سبوقك وانتهض بالجناحين وهاجر مهاجر مبحرات السفاين للصين والا اهبط على ضلع قزوين لو كان عندي ما فراقك بهاين حنا عزاز ولا نهين العزيزين خلك تروح ولا تشوف الغباين شاملك عفوٍ مثل عفو المساجي

صح لسان قايلها وصح لسان ناقلها ..

الوقت ما تاليه معنا بزاين
والبر في حادور من حين لاحين
أدناه مليان كراتين فاين
واقصاه ضاق وضيقوا به هل الضين

صورة مع التحية للهاوي


يعلم الله فرحت وانا اشوف يوزرك منور المنتدى ..
لا عدمنا هالطله يالغالي ..
تحياتي لك اخوي راشد ..