السلام عليكم ورحمة الله وبركاته .....

أولا أشكر الأخوان في المنتدى العام على هذه الاستضافة وأخص بالذكر الغالي أبو سليمان وإلا البارق ( يهبا )

ثانيا أعتذر عن التأخير ولكن ذلك يعود لظروف عدة منها الفني التقني ومنها الاجتماعي ومنها سوء الحظ حيث توافق طرح اللقاء مع تعطل المنتدى وعدم دخولي عليه لمدة يومين مما تسبب في تراكم الأسئلة وإصابتي بالإحباط :sad:

عموما السبب الحقيقي هو عدم دفع إدارة المنتدى بقية مبلغ مقدم العقد مما جعلني أفكر بإرسال ( أخوي ) يجاوب عني مثل ماسوى ماتورانا

بسم الله نبدأ ...............

ـــــــــــــــــــــــــــــــــــــــــــــــــــــــــــــــــــــــــــــــــــــــ

@@ الأخ مثل القمر @@

إقتباس عرفنا على البطاقه الشخصيه؟ رايك في اعضاءالمنتدى؟ من ترشح للفوز بكاس العالم؟ رايك في مستوىالمنتخب السعودي في كاس العالم؟؟

1- البطاقة الشخصية :

الاسم : ناصر ( الظاهر يكفي الأول )
العمل : مدرس :sad:
الحالة الاجتماعية : متزوج رسميا بس باقي العرس والله يوفق في 7/5

2- أعضاء المنتدى العام هنا هم من أفضل من يستخدم الانترنت بصراحة وبدون مجاملة رأيت منتديات كثيرة سعودية وغير سعودية ولم أجد من يوازن بين الجد والمرح ويملك النزعة الدينية كما يفعل الأعضاء هنا

3- طبعا أرشح تختلف عن أتمنى والحقيقة كنت أتمنى تاخذها الاجنتين لكن شكل كاس العالم هالمرة داخل بها (جني ) وشكل النهائي بين كوريا والسنغال ( توقع خاص )

4- المنتخب السعودي باختصار ذهب إلى اليابان وقد طلب من اللاعبين مالم يخطط له المسؤولون !!!! الانتصارات لاتأتي بتواجد المواهب فقط بل بالتخطيط والتخطيط لاهلاقة له بخططنا العلمية المدروسة ;) !!! انظر إلى منتخبات مثل تركيا والسنغال وكوريا واليابان بل حتى أنك تشاهد تطورا في منتخبات مثل إيران واليابان والكويت ومنتخبك لايتطور والأسباب أكبر من اللاعبين !!!

شكرا لك ,,,,,

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

@@ عارف الهلالي @@

ياخوي تراني سألتك خمس أسئلة و( حليلة ) وش هالانتقام الشرس ؟!!!:sad:

إقتباس / ممكن نعرف اسلوبك وانت تستخدم النت >>> يعني مبسوط او زعلان ( طق راسك في الجدار ) ... ؟؟؟؟

أحد يشوف اسمك ويصير زعلان ؟!! <===== ايه هين

إقتباس / ممكن نعرف وانت تستخدم النت وش تكون لابس غتره وعقال ... وياليت تقول وش هو لون العقال لاني الصراحه احب الالوان ...؟؟؟

الفترة الأخيرة وأنا أستخدم النت أصير غالبا لابس بشت كنوع من التدريبات أما العقال فماأدري وش رايك ؟!! أكيد برتقالي ياأخي

إقتباس ممكن اعرف وش علاقاتك بهزيمه الارجنتين او بالاصح خروجها من المونديال ... ؟؟؟ واذا امكن تقول ايضا كم جوال عندك ...؟؟؟

هزيمة الأرجنتين محزنة لأي محب للكرة وهي حقيقة ضحية القرعة التي جعلتها مع ثلاثة منتخبات مرشحة وجعلت البرازيل تواصل استعداداتها مع فرق من الدرجة الرابعة !!!!!
وبالنسبة للجوال فعندي واحد والله يستر عليه

إقتباس اذا قال لك احد تصبح على خير وخصوصا الغانم وش ترد عليه ؟؟؟

والله بصراحة لازم نتطور كجيل جديد ونخترع مفردات وعبارات خاصة بنا !!

يعني إذا قالي الغانم تصبح ماأصير تقليدي وأقول وأنت من أهله ...لا !!!

لازم أخترع شيء جديد مثلا أقول له : مشكور ياالغالي

إقتباس اخر سيكل اشتريته عام كم ...؟؟؟

أول وآخر سيكل اشتريته كان أيام المتوسط ( يعني قبل خمسطعش سنة ) :sad:

إقتباس سبق وذكرت ان الغريب ان انسان غريب ولكن انا اشوف انك انسان عجيب وش الفرق ...؟؟؟

عجيب نفس كلمة غريب بس الفرق إن عبدالله بالخير يقول عجيب ولايقول غريب

إقتباس اخر نكته سمعتها وضحكت عليها كثير وتحس انها ماصخه ... ؟؟؟

هي ماهيب نكتة هي موضوع كتبه واحد من الأعضاء ;) ويقول إن اللي يبي الشهرة يهاجمه والله ياأنا ضحكت ضحك

إقتباس اختار تشكيله مناسبه للهجوم على زواجي وتخريب الزواج ...؟؟؟ واذا كنت ناوي تحرق الصاله ترى ما عندي مشكله بس بعد الزفه ....

حبا فيك وخوفا عليك أبخلي التشكيلة كلها من فريق الكراتين لأني داري إن ماعندك أحد وماراح يجيك شيء

إقتباس حبيبي الغريب وش نوع سيارتك ...؟؟؟ واذا سمحت تعطيني السياره عشان اقضي شهر العسل عليها ..؟؟ وراح اعطيك سيارتي اللكزس او الونيت الاربعميه ... ؟؟؟

سيارتي كريسيد جي إل وأفتخر فيها وأتحدى أي سيارة ثانية تتحملني مثل ماتحملتني ( ماشاء الله ) أجل أنا وجه واحد يمسك سيارة ؟!!!! والله ماهنا مطب إلا أكلته المسيكينة لين اضطريت أكتب على باب السيارة يمنع ركوب الحوامل أو مرضى القلب

وكان تبيها لعرسك ترى حلالك بس بشرط تعرس بالليل ولايصير بالصالة لمبات عشات مايشوفونها

إقتباس متى راح تشرفني بحضورك لزفافي .... الساعه كم >>> عشان اعجل بالزفه ...؟؟؟

والله إني ماأحب العروس ويمكن عرسي ماأحضره بس عاد إذا ملزم والعشاء ( سنع ) أبضحي بنفسي وأجي

إقتباس ما تلاحظ انى ما سئلتك عن المنتدى ولا الرياضه ولا الحاسب الالي ....

كان سألتني تراها خربانة

تحياتي لك ياالغالي ,,,,,,
ـــــــــــــــــــــــــــــــــــــــــــــــــ

لي عودة سريعة بإذن الله