بسم الله الرحمن الرحيم
اولا ودي اقول ان التخبيص عندنا ما هو بس بالكورة واكبر دليل عندي البطالة والشباب المساكين اللي جالسين لا وظيفة ولا جامعة.فتح معهد الجوازات اول يوم قدموا خمسة الاف شاب تخيل خمسة الاف (الله من الجوع)
لا ويقولوا سعودة سعودة مين ياعم السعودة على سوق الخضرة بس.
يعني حنا لو فينا ناس تخطط وتهندس خطط تنمية صح ما وصلت عندنا البطالة الارقم الخيالية الحالية.
معاليش طلعنا عن الموضوع نرجع له يعني التخبيص عندنا حتى بالرئاسة واقصد رعاية الشباب ما هي تعليم البنات الله يرحمها رعاية الشباب فيها تخبيص امريكا امس تعلمت الكورة اليوم شوفوا مستواها امس هزمناها ثلاثة واليوم وصلت لدور الثمانية ليه؟؟ لانهم ناس تخطط ماعندهم فزعة مثلنا كل يوم افزع ياخراشي افزع ياجوهر ولا عندهم اعضاء ومشرفين للمنتخب كثر ربعنا اللي والله الواحد ماهمه الا تصريح و صورة بس.
نبي ناس تخطط لعشر سنين قدام ما نبي ناس عيونها ما تعدى مترين قدام
كل مل قلنا تقدمنا طلعت لنا هزايم رجعتنا ورى .
البداية صدقوني لازم تكون مع المنتخبات السنية يعني الناشئين والشباب لازم نعتني بهم صح حنا صراحة بعد تركنا تزوير اعمار اللاعبين ما حققنا بطولات على مستوى الناشئين والشباب.
ادارة نادي الهلال مثل الرئاسة نوم نوم نوم واذا بقى عشرين يوم عن المباراة صحوا يا جماعة ما يصير الحين السوبر ما بقى عنه شي ولا شفنا لاعبين اجانب غير الكاتو يعني لازم نرجع للارشيف من حق الامير سعود يتمتع بالصيفية بس حنا من حق جماهير الهلال انها تشوف ناديها ماشي صح
صرحة ولا تزعلون لو يستقيل الأمير احسن عشان يرجعون المبتعدين المهمين اللي هم اصحاب السمو الوليد وخالد وخالد بن طلال
وأنا أقولها من الآن اذا ما فاز الهلال ببطولة السوبر فالسبب الوحيد هو الادارة .
وادارة الهلال الحالية اعضائها مثل أعضاء رعاية الشباب يحبون الترزز والظهور الاعلامي ولا تنسون توأمة ريال مدريد ولا تنسون قطيع الذكر صفوت سوساك ولا تنسون اللاعبين الاجانب المنتهين ولا تنسون ايقاف الثنيان ولا تنسون البطولات اللي ضاعت والمدربين الخرطي ولا تنسون راعي الثماماة وتطاوله على الهلال .
سؤال :وش هي وجيه الشبه بين ادارة الهلال ورعاية الشباب؟
والله من وراء القصد