بسم الـله الرحمن الرحيم اولا حبيت اهني الزعماء على الفوز اليوم واليوم حاب اقولكم وش صار معي في الملعب انـا غلطتي اني جاي بعد صلاة المغرب المهم رحت مريت اخوياي وصلنا الملعب على اذان العشا ودخلنا مع البوابه رقم 1 ومشينا لين لين البوابه رقم 5 اتوقع (( رجليه)) والقى طابوووووووووور قلت محنب داخلين الا بعد المباراه زحمه مررره عند التذاكر والحمد لله لقيت واحد يبيعها 25 والدخول كان 20 قلت خمسه ريال واشوف المباره ولا ادفع عشرين ولا اشوفها المهم وصلنا للعساكر وما ادراك ما العساكر والاستلكاع انـا ابغى اعرف ليه ياخذون من الجمهور الاعلام الكبيره !!!!!! ليييييه ما فيها شي يعني ملغمين فيها ولا شي المهم دخلنا ونلقى جماعه تصلي ونصلي معهم المهم قضينا صلاة العشى وبينما كنت امشي والقا الناس تهج انا قلت سلامات وش فيه عسى ماشر والى الناس يقولون لي الحق الحق بيقفلون مافيه اماكن وانا اللي اركض اركض وادور واطلع فوق وانزل تحت قلت لواحد على خبري مخلينها 70% للهلال قالي لا والله 50% وقعدت ادورلي لين لقيت هذا المكان
ايوووووووووووه ورى الباب لكن الحمد لله اني شفت المباراه وهذي صور وفيديو من تصويري صحيح اني في المباراه بغيت انفلق لكن الحمد لله ما جاني شي الا وحده بغت تشيل رجلي اتتركم مع الصور
اللحين عرفتم مكاني هههههههه بايخ صح والله العظيم اننا فكرنا اننا ندخل مدرج الوحده كان معي شال قال السكيورتي مافيه لقيت كشك يبيع بيبسي ...الخ واحط عنده الشال قالي بريالين(( ضحكة 
)) وقلت له يالله والله واقول لخويي تهون عليك كذا نجلس معهم قال لا والله قلتله اجل لو ما نشوف المباراه اهم شي لا نجلس معهم نجلس مع جمهورنا >> المفروض هنا تصفقون لي 
ارجو يا زعماء انكم تشوفون لي صرفه والله الموضوع كاتبه من المفكره عجزت اكتب هنا بالمنتدى تطلعلي لغه غريبه مدري وش تبي سويت اللي عرض ترميز ومدري وشو وما نفع
