بغض النظر عن كل الاغلاط التحليليه المقصوده من محمد فوده شايب قريح الي كان يتكلم عن بعض اللقطات كننا مانشوفها قدامنا حتى تسائل البعض عن ان الخلل قد يكون من نظاراته اللي لابسها وان تقدمه فالعمر اثر على نظره واصبح لايرى اللقطات بوضوح .


بالنسبه لي اعتقد ان الخلل مهوب في ذلك حتى لو استبدلنا نظاراته بمجهر ولكن الخلل يكمن في امر واحد وهو ضميره ولا شيء غير ضميره .



بس فيه لقطتين حللها فوده امس ومتنا عليه من الضحك انا والي معي .

اولها يوم ان الفوده قال ان كيتا دفع المفرج بيده ثمن جا المفرج ومسك شورته وان اللقطه تعتبر بلنتي للاتهاااااد فاستغرب المذيع السلمي وقال طيب ودفع كيتا للمفرج ههههه قلب وجه الفوده هنا وكن السلمي ذكره بشي يبي ينساه وقال امممممممم مسألة دفع المفرج خطأ تقديري من الحكم وبامكانه يحسبها لابغى بس تراااها بلنتي للاتهااااااد .



يافوده من جدك انت تتكلم ان المفرج يوم جا بيخلص الكوره براسه ودفه كيتا واختل توازنه خطأ تقديري ويوم لمس شورت كيتا مع انه لم يؤثرعلى كيتا ولم يختل توازنه وحتى ان الدعيع كان اقرب للكوره منه ومسكها تعتبر بلنتي.



وانا متأكد ان لو السلمي سأله مره ثانيه وقال طيب لو الحكم حسب دفع كيتا فاول للمفرج هل يعتبر قراره صحيح ان يرد الفوده ايه قلتلك ان المساله تقديريه من الحكم والفاول صحيح بس لازم يحسب بعدها بلنتي للاتحاد .



اما الثانيه يوم ان الحكم قال للشلهوب ثبت الكوره فالارض وبعدين صفر قال فوده لا تراااااااه كان يقصد العب على الصفيره وان الحكم كان يكلم العيسى .


اجل يافوده لييه الحكم قال للشلهوب ثبت الكوره داااام السالفه فيها صفيره فالحكم لو كان مقصده اللعب على الصفيره كان ماقال ثبت الكوره للشلهوب كان من الاول قاله العب على الصفيره ولايصفر الا لاثبتها وانتهى كلامه مع العيسى حسب ماتقول مع ان اللي شفناه ان العيسى هو الي كان يكلم الحكم والحكم يناظر الكوره وسافهه .


هل تبينا بناءً على مبدئك يافوده قبل اي فاول خطير على المرمى الهلالي نفرغ احد لاعبين الهلال للتأشير للحكم والتحدث معه ولا جت الكوره هدف قلنا لاااااااااااا تراه خطأ تحكيمي الحكم كان يتكلم مع لاعبنا .


يافوده ان لم تستحي فافعل ماشئت وحنا مانبيك تستحي من المشاهدين ولاكن على الاقل استح من نفسك واحترم شيبااااااتك .