الغالي ( ريفو ) ..

الأبيات اللي نرددها ياكثرها عدّ وأغلط
لكن أبختار لك أكثر الأبيات اللي دايم على لساني
وأذا طولتها أعذرني

الأول: ( بيتين مرتبطين مع بعض ) ..

قالـوا وحيد وقلت مابه أوناس ### وقالوا غريب قلت بارض بعيده
دارت بي الدنيا بتقدير وأحساس ### ولاجات لي الدنيا على ما أريده
(محمد أحمد السديري )

الثاني:

لا لا تقارن حب أمك بحبي ### أخاف من عينك تطيح الأمومه
( عابرة سبيل )

الثالث:

جيت أفرج .. بعض همي .. بالكتابه ### أكتشفت أن الكتابه كل همي
( مهدي بن سعيد )

الرابع: ( بيتين مرتبطين ببعض )

خلقت بالدنيا وأنا مامعي شي ### وباروح مامعي شي منها
خلوني أستانس بها دامني حي ### لامت مدري جثتي من دفنها
( مفرج السبيعي )

الخامس:
" الله يخرب بيت أبوه " الحب لامنهّ نما ### يدمر عمار القلب وليا عاش به عمّ وشمل
( راشد فارس )

السادس:
لك بالغلا يـا ( أبونواف ) مقدار ### ياشيخنا الوافي وياسيد القوم
( أنــا )

السابع: ( بيتين مرتبطين ببعض )

بعض الوجيه تشوفها كل ليله ### لاشوق لاموعد لكنها أقدار
وبعض الوجيه تغيب غيبه طويله ### لكن لها في القلب حشمه ومقدار
( عبداللطيف الغصن )

الثامن: ( بيتين مرتبطين ببعض )

تمنيت بأن الحب ... ماينتهي بأحزان ### ولا وقفت الدنيا ولادقت الساعه
ولا كانت الدنيا وهي مثل ماقد كان ### ولا مات حب .. ولامعي شانت أوضاعه
( عبدالله القحطاني )

التاسع:

ننشد العليا ولو زاد الثمن ### والرخيصه للرخيص يديرها
( دايم السيف )

العاشر:

أنتي كتبتي العهد وأنتي مسحتيه ### محاوله تزوير في ذكرياتك
( طلال السعيد )

هذه أفضل عشره أبيات دائماً أرددها
أعتذر عن الأطاله

أخـــــــــــــــوك
نواف السديري