الدعيع كان على غير عادته وسيء جدَاً .. كل هجمة بقول .. اخالفك الراي انه نجم المنتخب ( ثمانية ونجم ما تجي صدقني ) ..

سليمان أيضاً كان سيء يمكن علشان المحاور ما ساندوه ولا سوو عمق دفاعي للفريق على قولة الوحش .. لكن الأكيد انه كان سيء في توقيته للعرضيات .. سيء تماماً ..

تكر فعلاً كلامك صحيح هو أسوأ لاعب في المباراة .. الأسوأ بدون جدال .

الدوخي من أسوأ اللاعبين وفعلاً خانته مرتع للألمان .. ولو انه طلع له طلعتين .. لكن دوره الاساسي مدافع .. أدي دورك بعدين فكر تهاجم ..

عبد الغني .. سحبوه على كيفهم .. ولو انه ماسك خانته .. لكن وجوده مثل عدمه .. الصقري بيكون افضل منه لو هو موجود .. أو المنتشري .. في أسوأ حالاته ..

خميس .. صحيح هو شارك أمس ؟!! ما عرفت الا منك .. لا تكون واهم ؟!!

الواكد .. صدقني ما أسوأ من خميس الا الواكد ..شفته وسمعت اسمه لكن مستواه صدمة .. تراه من أهم اسباب الضعف الدفاعي صدقوني .. حسيت اننا آكلين مقلب فيه وانه ماخذ سمعة على الفاضي ..

نور .. رغم اني ما أحبه لكن من أفضل اللاعبين أمس .. ليتهم زيه كان حالنا أحسن .. هو وسامي الأفضل في المنتخب .. الوحيدين اللي تحس انهم لاعبين كرة قدم ...

نواف .. ما تصورت انه بيوم من الايام بيلعب بهالسوء !!!! .. الظاهر انه ما قدر يلعب للفريق رغم حرصة .. وكان يبي يسوي شي لنفسه من غير ما يحس بغلطته .. ولا تمريرة .. تأخير للكورة لين يتجمع عليه ثلاثة .. أعتقد المدرب طلعه لسوء مستواه موب لأنه مصاب ..

اليامي .. اكتشف انه لاعب عادي وعرف قدر نفسه بهالمباراة .. حده الدوري ودورة الخليج وتخب ..

سامي .. اعتقد دعايات البيبسي اثرت على مستواه ورغم تحركاته الكثيره بالملعب كان وحيدا بالمقدمه .. لكن الحق هو أفضل السيئين في المباراة .. على الاقل له تحركات ولمسات تحسسك انه صحيح لاعب كورة موب مزحة وإشاعة زي البقية .. لكن برضة كان سيء ..

عبد العزيز الخثران :- كان انانيا وهمه الوحيد ان يسجل هدفا ويدخل التاريخ ( نفس كلامك ولا أزيد عليه )

ابراهيم سويد .. كان المفروض يلعب من بداية المباراة .. أو من بداية الشوط الثاني على الأقل ..

الجمعان .. مالها داعي تنزيلته .. وش بيسوي والنتيجة اربعة .. خله للمباريات الجاية ابرك .. بس ليت الجوهر يقتنع انه هو أو عبيد أفضل من اليامي بمراحل .. اليامي رافعينه الاتحادية بالسما وهو موب لاعب كاس عالم ..

وتسلملي ..