نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ×÷·.·°¯`·)» ( أضحك بنكهة الأسى) «(·°¯`·.·÷×

سندريلا الهلال · #3 23/01/2007, 06:31 AM

والله ملينا من كثر مانتكلم ونقول لازم فيه تصحيح وتعديل

مشكلتنا احنا ان كل شيء بنعالجه .. بس مانعرف كيف نبداء ..

اذكر مرة أمي راحت الصناعات الوطنية واشترت(( شيبس )) طبعاً انتاج سعودي..

قلت يمه هالحين رايحتن صناعات وطنية وتجيبين شيبس

يعني هذا الي ربي قدرنا عليه نصنع شيبسات

لأن أمي تقول مافيه شيء وطني يدوم اكثير من اسبوع ..

يعني ادبل السعر واشتري شيء يبقى معي

مشكلتنا احنا اعتمادنا على دخل واحد للثروة اللي هو البترول ..!!

يعني السياحة باللهي يبي لها صناعة !!

مااستفدنا منها .. !! قد سمعتوا أحد يقول نبي نروح نصيف في الرياض ولا جدة ولا الدمام!!! بينما نسمع .. صلاله .!!. ونسمع دبي !! بتقولون لي في أبها عندنا !! الله واكبر عااد يا أبها على الرغم من جمال أبها من ناحية الطبيعة والجو !! الا انها من ناحية التطور محلك سر ماتتقدم ابد اللي رايح لها قبل خمس سنين مايحس بفرق ابد!!

يعني احنا مانتطور ابد .. ولا نسعى تكوون عندنا خيارات !!

امس قاعدة انا وحدة من قريباتني نتناقش في فنادق الرياض .. ومنتزهاتها .. قلت لها تصدقين الرياض دائما الخيار محصور فيها بين شيئين

اول كنا لما نروح ملاهي يا الخيمة او الروضه

هالحين ياستار ستي يالحكير

والفنادق لما تفكر تحجز في فندق ماعندك كأفخم شيء الا الفيصلية او الفورسيزن

احنا في كل شيء متأخرين .. بالعكس شجاعة ان احنا نعترف

لاززم نستوعب ان احنا لازم نتطور .. وتطورنا لازم يكون بتعدد مصالحنا .. واعتمادنا يكون على موارد ثانيه ..

انا ما ادري هل الخلل فينا احنا ولا ويين فيه !!

اذكر ماشاء الله مجموعة بنات جتهم فكره انهم يصنعون اساور ويبيعونها ايام ماكان المنتخب مشارك في كأس العالم

والله حصلوا مبالغ حلووة استفادوا منها .. يعني لا نستحقر الشيء الصغير .. الصغير دايم يكبر والكبير يمكن يصغر ..

ردي هذا موضوع يمكن لكن والله فعلاً موضوع قمـة بصراحة ..

الله يعطيك ألف عافية ..