نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - == هل هذا الخليج العربي ولا الاغريقي "؟؟؟" ==

أبو راس · #1 18/01/2007, 08:07 PM

السلام عليكم

اتوقع اكثركم شفتوا حفل افتتاح دورة الخليج بابوظبي

دورة الخليج المفروض تمثل الشعوب الخليجية وخصوصيتها
وتوقعت حفل الافتتاح يعكس هالشي

بس شفنا اشياء كانك تقول حفل اوربي ولا سيرك صيني

حريم معلقات بحبال في الهوا
بعدين احتفالية النيران
والمؤدين بملابسهم السودا لاهم من اهل البلد ولا المنطقة

حسيت اننا بمعبد نيران اغريقي
ولا ليلة مجوسية تحتفل بالنار

ولا يونانيين يقدسون الشمس والكواكب

وين البحارة واللولو والخليج والبشرة السمرا

نبي نقول للعالم هذا خليجنا .. هذي ديرتنا

مو حفل كلاسيكي دخيل يشبه عروض الباليه الاوربية

سهل تدفع ملايين وتسوي حفل يبهر العالم
لكن المهم انك تقدم حضارتك وبصنع ايدك وتقول هذا انا

بصراحة
الفقرة الاولى "استعراض البندقية" على بساطتها كانت هي الفقرة الوحيدة اللي خلتني احس اني خليجي!!

محبكم
ابو راس ;)