|
تصادمـت كـل الكواكـب بفرقـاك ***شفت انهيار الكون لحظـة وداعـك
 قصيدة قرأتها واعجبتني أحببت اضافتها هنا لتبدو رأيكم بها واللي يعرف كاتبها الله لا يهينه يعلمنا
الشمس تولد يالضيا فـي محيـاك
وتموت لامن غاب عنهـا شعاعـك
وشلون تبغاني اوادعـك وانسـاك
وانت المجرة تختفي فـي وداعـك
دمع الكواكب خر نجمـات عينـاك
على الوداع المـر تبكـي ضياعـك
الله ياحلـم السمـاوات: مااحـلاك
احلى من ( احلى) والحلا في طباعك
وجهك قمر..ولثامك الغيـم يغشـاك
يبيـن لا حـرك هوانـا قنـاعـك
وظلام قاع البحر مجنـون نجـلاك
حوله غيومٍ بيض تهـوى وساعـك
نحت (احبك موت) في ثلج ذكـراك
وذاب وبقى (موتي) بنار امتناعـك
والكلمة اللي هزت عروش الافـلاك
اقولها ويفلت مـن ايـدي متاعـك
قلت: الوداع , وطاحت بخوف يمناك
حقايبـك, ولا دمـوع ارتيـاعـك
ابعد من ( بلوتو) على درب مضناك
يا ساحبٍ قلبي على شـوك قاعـك
تصادمـت كـل الكواكـب بفرقـاك
شفت انهيار الكون لحظـة وداعـك
وموج الاسى يمسح اثر فرحة خطاك
اقفيت ولا اقفـى الهنـا بندفاعـك | 