|
زهرتي يازهرتي إهداء لمن يتذكرها
السلام عليكم ورحمة الله وبركاته
زهرتي يا زهرتي
انشودة للطفلة منى حواري والطفلة منال رفاعي
انشودة شهيرة حازت المرتبة الأولى عربيا في مهرجان الطفل في ذلك الوقت من انتاج تلفزيون المدينة المنورة
زهرتي يازهرتي.............إنتِ نشوة لمهجتي
إنتي من أحلى الزهور......زهرتي كللك عطور
يالله كم تسمرت امام التلفزيون لمشاهدة وسماع هذه الانشوده
اتذكر وبكل براءه مشاجرتي مع ابن خالتي ايام الطفولة شف انا صاحبتي اللي على اليسار شف كيف اداءها افضل وشف فستانها احلى يرد علي وطبعا مخالفني الرأي انت غلطان اللي على اليمين افضل شف شعرها احلى وأداءها أفضل من اللي على اليسار وصرنا نتحاكم لاخوه الكبير بالله اي احسن واخوه منذهل بالاغنيه ويقول لاخلصت اعلمكم من اللي احسن
الانشودة طحت عليها صدفه في احد المنتديات وخزنتها بجهازي ودقيت على ابن خالتي وقلت له تعال ابيك ضروري
رد وقال وش فيه عسى خير قلت خير ان شاء الله بس تعال ابيك طبعاً جاني ومعه ولده عمره اربع سنوات وشغلت له المقطع وصار يردد يالله يالله والتفت لولده وقلت له هتان بالله اي احسن اللي على اليمين ولا اللي على اليسار وانتم عارفين ان الطفل يجي على لسانه اللي باخر الجمله وكنت متعمد اقولها قال اللي على اليثار بالثاء طبعا مو بالسين قلت له بعدي والله
ضحكنا الا متنا ضحك والولد منهبل مايدري وش السالفه بس اظن انه يقول بنفسه يالله لك الحمد وش فيهم ذولا
قبل لاتسمعون وتشاهدون المقطع حبيت اقول ان كل هالكلام والحدث اللي صار لايتعدى كونه اعجاب طفولي
واحب اوجه شكر عميق لجميع طاقم العمل هذا وشكر خاص للطفلتين
http://www.i1i2.com/uploads/8f25a573a2.zip
دمتم بخير  | 