نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

البارق · #9 09/01/2007, 05:25 PM

هلا وغلا والله بالهاوي الداج <---- مسوي مطيح الميانة مع مزح ثقيل ..

كل عام وأنت بخير يالغالي بعد الزحمة ..

والله نقاطك واجد حتى لو إنها ماهيب رئيسية ..لكن يجب أن نوقف عندها ..

يعني الحين إذا جاء الحر قلتوا فطسنا وصرنا ضبان ما نقدر نطلع من مكاننا ومستحيل الواحد يطلع إلا بالليل ..!!

وإذا جاء الشتاء قلتوا وش هالبرد اللي ما نتحمله ..!!!

احترنا بكم ..يا أخوي بالصيف رح لأوربا ( عاد أنت تخير المكان ..

) والشتاء نيوزلندا أو أستراليا ولا تزعجنا ..!!

يعني نغير جونا عشانه ما أعجبك ..

بس تصدق عاد مع كل اللي يسويه بنا الشتاء يا حبي له ويازين أيامه ..

نجي عاد لموضوعك بعد ما دخلت مع الدريشة عشان أبعد عن مدخلك ومخرجك اللي أنت حاطها ..

صحيح الهواجيس قبل النوم مقلقة <--- قل والله ..

حبيت أقول إن الناس في هالأمور يختلفون ..بعضهم ما شاء الله مع كل ما تسويه فيه الدنيا عند النوم ما عنده معاناة ..!!

وناس لا ..

هذا غير إن الناس يختلفون في طريقتهم ..فتلقى واحد خسران كل اللي عنده بالأسهم والدنيا لعبت به لعب ..

ومع ذلك ما أثرت لعليه بشء ..

- ما شاء الله - ..

وناس لو يكون بخاطره بيبسي بارد ولا يلقاه ببقالة حارتهم يشيل هم الدنيا كلها ويواصل يومين ..

الطرق اللي ذكرت زينه وتساعد ولكن أحيانا تكون الظروف أقوى من العلاج ..!! طبعا هذي أيام وتروح يعني ماهيب على طول .!!

لكن الكل يعترف إن الأرق والتعب عند النوم من أصعب الأشياء على الإنسان الله يحمينا وإياكم منها ..

تسلم والله يا الهاوي على هالموضوع ..وخل عنك موضوع البرد ..

تقبل تحياتي ،،،