بسم الله الرحمن الرحيم


مع احترامي لبعض اعضاء المنتدى مايفهمون كوره ... معليش لاتزعلون مني بس هذا الواقع

الحين اذا فاز الهلال قلتوا لا لاقالة المدرب واذا انهزم قلتوا اقيلوه هو السبب

انا اول واحد يؤيد اقالة المدرب .......صراحه المدرب من جنبها

ناخذ مثلا مباراة اليوم : خطه مافيه تكتيك مافيه انظباط في الملعب مافيه .... بتقولون وشلون اقولكم شلون

1_ الخثران ظهير ايسر لاعب اليوم وسط متقدم
2_الغنام محور لاعب اليوم صانع لعب
3_ تفاريس مره هجوم مره دفاع..... الغنام مره صانع لعب مره محور


اقسم بالله اليوم مباراة الهلال تذكرني بملعب سداسيات مافيه اي تكتيك مافيه اي خطه كل واحد ومجهوده


بيجي واحد بيقول المدرب كويس متصدرين الدوري .... اقوله متصدرين الدوري بمجهود اللعيبه مو بمجهود المدرب

المباراة الوحيده اللي شفت فيها تكتيك مباراة الاهلي لا وبعد ساعده الطرد فيها

انتهينا من المدرب نجي للاعبين المحليين


العبد السلام _ الهليل _ الخراشي _ الجري صراحه مع احترامي لهم اقل من مستوى الهلال بكثير

الاحانب

1_ تفاريس مايحتاج امدحه بطل وشايل الدفاع

2_ردريقو اقل من مستوى الهلال بكثير حرام على الهلال محسوب عليه اجنبي من ناحيتي انا افظل اتيح

فرصه للاعب سعودي احسن.... هذا غير الفاولات والبلنتيات اللي مايعرف يشوتها....... اول مره بحياتي

اشوف محترف مايعرف يشوت فاول وبلنتي

3_ التائب لاعب كبير لاعب فنان بس مو على حساب الهلال كثيره اصاباته وبرظه مشاركاته مع المنتخب

يعني معقوله من يوم جاء مالعب الا ثلاث مباريات بس.......... كله عشان الاصابات من ناحيتي انا افظل

نستغني عنه ...

للمعلوميه : طبعا انتم عارفين ان التائب قد احترف في تونس مع الصفاقسي والافريقي والنجم الساحلي

انا اعرف تونسي من مشجعي الصفاقسي ودائما يروح للنادي ومن محبي التائب يقول ان التائب

فيه اصابه مزمنه ولا مستحيل يفرط فيه الصفاقسي


نجي لبو سلطان


1_كالديرون او يوردانسكو
2_ابو تريكه
3_ محمد كالون
4_ البحري والقحطاني