|
سكولز .. و ربي ما راح أنتقدك .. [كلام على الطاير] ..
السلام عليكم شبية الزعيم  ..
كل عام وأنتم بـ خير بعد الزحمة .. و حج مبرور لـ اللي خلص من حجه  ..
إلا على طاري الزحمة و الحج .. تراهم يمدحون الحج هـ السنة من ناحية التنظيم .. لـ ذلك سجلوني حاج السنة الجاية من اليوم  .. بس ادعوا إنه ما يكون فيه حركات لـ هـ الإيرانين الأخباث  .. الواحد إن راح لـ مكة .. يشوفهم كنهم قواطي ببس (بيبسي) من كثرهم .. طبعاً قواطي فاضية .. لأن روسهم فاضية ..
نجي لـ موضوعنا ..
مثل ما أنتم عارفين إن فيه واحد -الله يهدينا و إياه:p- .. نزل موضوع قبل فترة عن غياب الـ Screamer عن أهدافه اللي عرفناها قبل ، واللي ياما و ياما متعنا فيها ..
و هذا هو الموضوع ..
2003/2002 ≥ بــول سـكــولــز > 2004/2003
لكن الحال سريعاً ما انقلبت 180 درجة .. و رجع سكولز أول اللي عرفناه .. من خلال أهداف تفتخر الروعة بـ أنت تنتمي لها هذه الأهداف ..
سنعود بعد قليل ..
الآن .. شاهدوا هدف الأشقر سكولز في مرمى الفيلا .. شاهدوا كيف سددها هذا المدفعجي ذو الأصفر بـ كل أناقة ..
هدف سكولز .. لما تفك ما حتصك .. قصدي لما تشوف .. مش حتقدر تغمض عينيك .. و إذا تبغاه .. دوره علشان تلقاه .. و إن ما لقيته دوره مرة ثانية .. و إن ما لقيته .. اضغط على الصورة ..
عــدنـــا ..
لكن وش السبب اللي يخلي سكولز يبدع بعد كتابة أخينا في الله موضوعه الموقر ؟؟
هل فيه منكم من هو جاسوس لـ فريق المان ، و خبر سكولز عن الموضوع ؟؟ << يقولون فيه عضو موقوف .. استغل الإيقاف وراح يخبره !! << و الله من الغبن اللي بـ قلب هـ العضو .. وده يرد و لا يقدر  ..
سنعود بعد قليل ..
هل استمتعت عزيزي المشاهد بـ الهدف السابق ؟؟ ما يحتاج تجاوبني .. لأني أعرف الجواب ..
و هل تريد هدفاً آخر تستمتع به .. إذا إليك عني .. قصدي إليك هذا الهدف الرائع .. و انظر إلى كيفية ترقيصه لـ المدافع .. و الهدف سـ يذكرك بـ هدف ذئبنا سامي على أوزبكستان .. طبعاً الهدف ما يحتاج بحث ..
عـدنــا ..
هل تعتقدون أيضاً .. أن فيرغي طلب من سكولز التقدم لـ الهجوم .. لأن أهداف اللاعب أتت في وقت كان الفريق خاسر أو متعادل .. و لو كان هذا هو السبب بـالفعل .. فـ إن شاء الله يتأخر الفريق دائماً بـ هدف << هـ الدعاء .. تبي تخلي بعض الأعضاء يأمنون و هم خاشعين ..
سنعود بعد قليل ..
يبدو أنكم ما زلتم عطشانين لـ أهداف سكولز .. لذلك .. سوف نعطيكم من كأس قذائفه .. لـ تروي ظمأكم الذي نشف ريوقكم .. و ما دودنا نخليكم تبحثون عن الهدف .. لأنكم عطشانين و لا لكم خلق .. لذلك كل ما عليكم الضغط على هذه الصورة ..
بس انتبهوا لا تشرقون* ..
عــدنـــا ..
لكن كـ العادة .. الحلو ما يكملش  .. لأن سكولز ما زالت خشونته زائدة منذ بداية الموسم .. أو بـ الأصح قبيل بداية الموسم .. فـ اللاعب حصل على كرتين أصفرين في مباراة بورتو التي فاز فيها المان في درة أياكس الودية .. و إلى الحين لا زال يظهر في لقطات كثيراً بـ خشونة زائدة .. و قد حصل حتى الآن على 7 كروت صفراء في الدوري !! .. فـ يا ليت يرجع لنا ما تبقى من سكولز اللي نعرفه ..
سنعود بعد قليل ..
أشوفكم مصختوها .. كل شوي .. نبي كاس ثاني .. نبي كاس ثاني .. لكن أعذركم ;) .. لأني أعرف وش طعم سكولز وأهدافه ;) .. لكن أبقولكم جواب كافي و وافي .. اللي يبي أهداف زيادة لـ اللاعب .. يتابعه بـ مباريات المان المقبلة  ..
عــدنـــا ..
عاد هـ المرة عدنا .. علشان نختم الموضوع و نقولكم سامحونا على الإطالة :p .. و مثل ما قلنا لكم .. تابعوا المزيد من متعة سكولز في المباريات القادمة .. تحصلون مجاناً على متعة رونالدو و جيجز .. و لا تدققون بـ الموضوع .. لأنه مرة بـ العامية .. و مرة بـ الفصحى ..
فـ مان الكريم ..
## تشرقون: معناها الغص بـ الماء ..  | 