ياحبي لك ياهلالي الظهارن تسمع بالتشفير بالحتسي 
والله اقف اختراما لموضوعك خلك من القصه لكن مغزاها ضارب في راسي
صحيح هي افه انتشرت عندنا ولا احد ينكرها لكن التذكير شي مطلوب
عدم توفير الوظايف مهوب سبب رئيسي من وجهة نظر متواضعه
مره ياطويل العمر كنت واقف عند باب واحد من ربعي انتظره يطلع المهم جاني واحد شباب يمكن عمره في الـ 19
قالي توديني المطار قلت له لا وين اوديك سلامات المهم مااعجبني وضعه نزلت وناديته وطلع خويي
وجلسنا نحاكيه وش فيك عسى ماشر وراك تبي المطار معك شي ومن هالكلام ركبناه معنا وقمنا نلف به
وهاتك تحقيق .........!!
الولد نفسيا تعبان ويالله يتكلم ومايفهم كلامنا الا بعد ضربة مشوار
دقينا على اخوه قال ماعلي منه دقوا على ابوي
يوم دقينا على شايبهم قال مانيب جاين اخذه ماعلي منه شوفوا لكم صرفه معه
وتحس ابوه خايف منه فتشوه شوفوا يمكن معه شي يمكن انه مسوي شي ومن هالكلام
وديناه قسم الصحافه تخيل وش رد الملازم (( والله شر البليه مايضحك ))
قال وش اسوي به ماعلي منه نزلوه في اي مكان
قلت له بطلع من عندك وبروح قسم الشمال وبقول لهم ان قسم الصحافه رفض يستلمه
فغير رايه وخذوه وحن طلعنا وعلامات التعجب ضاربه فينا
ياخي تتعجب ليه اهله رفضوه
الادمي كل شوي يقول انا اكرهكم مااحبكم يقصد المجتمع عموما وحن اولهم للاسف
الله يكون في عونه بس دام شايبهم تسذا
الرسول اللهم صلي وسلم عليه قال (( كلكم راعي وكلكم مسؤول عن رعيته ))
يعني اعيد واكرر كلامك الله الله بالاولاد وساس الشي من البيت ان صلح فالباقي باذن الله بيصلح والعكس صحيح
انا اعرف بشريه عاطله ياخي من خيرة الشباب
والله يكون بالعون
اخر تعديل كان بواسطة » ولد وايل في يوم » 02/01/2007 عند الساعة » 05:50 PM | 