نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عاشق مدريد · #1 28/12/2006, 06:28 PM

السلام عليكم ورحمة الله وبركاته

وشلونكم مع هالبرد والله جممممممدة المشكلة داخل البيت برد وبرى دفى شكلي بصير انام بالحوش هاليومين

ايييييييييه يالله هذي المربعانية يقولون وقتها يصير داخل البيت برد وبرا دفا ياحظ اللي ببيتهم عازل بس

وش مسوين بالاجازة وين رحتوا ووين جيتوا اكيد كل العالم بالبران ومخيمين وفالينها

الرياض يادافع البلا ماتنبغا من الزحمة مير ماهنا فكة لابدراسة ولا بعطلة من الزحمة

اذا جت الدراسة اهل الرياض هم سبب الزحمة وان جت العطلة وسافروا اهل الرياض انكبوا علينا حقين المدن الثانية يعني ماهنا فكة

خلون اخش بالموضوع

انا انسان ممسكة معي ملاهي لكن مب اي ملاهي

ابي شي يرووووووع ابي قطار موت اذا ركبته قلبت تسبدي من الروعة

مير حنا ياهل الرياض محرومين لاملاهي ولا منتزهات ولا شي للشباب

واذا سافرنا يقالنا نبي نوسع صدورنا كل ملاهينا تضيق الصدر ولا به شي يستاهل

انا اهم شي عندي ابي قطار موت ولا لعبة ما اقدر افتح عيوني اذا ركبته وش فرقنا عن الدول الثانية

اذكر مرة سافرت لماليزيا ودخلت مجمع تجاري لقيت حاطين في المجمع قطار موت من الفسقة

لا والبلا القطار مب اي قطار القطار ذا من النوع اللي يقلب يعني يصير راسك تحت ورجليك فوق

لاحظوا انا اتكلم عن مجمع تجاري مب ملاهي

والله قهررر ورا ماعندنا مثلهم مافيه بملاهياتنا الا قطار موت يمشي 2كم في الساعة

ولا حاطين لك بيت اشباح وحاطين داخلة راسين مقطعة وهيكل عضمي يقالهم بيروعونك

صحيح فيه ملاهيات حلوة لكن ماتعتبر بذاك المستوى اللي مرة

يعني اكثر الالعاب اللي فيه العاب عادية وماتقارن بالعاب الدول اللي برا

واذا انتم معي في كلامي

يالله قولوا معي بأعلى صوت

نبي قطار موت اذا ركبناه مش حتئدر تفتح عينييييييييييييييييييك

هذا اللي عندي ولاتشرهون ترا هذي الفضاوة وماتسوي

دمتم بود;)