|
??.....Can you speak english
السلام عليكم ورحمة الله وبركاته
Can you speak english..............>>? Yes or No
هل تستطيع تحدث اللغه الأنقليزيه ..............>>؟ نعم أو لا
  
اذا كانت الإجابه بنعم هذا جيد أما اذا كانت الإجابه بلا فلنتعرف على الأسباب والعقبات
في عدم اتقان اللغه الانقليزيه ..
أولاً ..لايخفى على الكثيـر على اهميـة اللغـه الإنقليزيـه في عصـرنا .. انبثقـت اهميتها
من خلال احتياجنا لها في تعاملاتنا ودراستنا واعمالنا وغيرها من المجالات ..
إجـــــادة اللغه الإنقليــزيه تحدثــاً وكتـابـه ..شــرط رئيسي في أغلب الوظـائف ..
اللغـــــه الإنقليـزيـه وأهميتهـا .. :
اللغه الإنقليزيه نحتاجهـا في اغلب المجـالات والخـدمات .. منها على سبيل المثال :
الإنقليزيـه مهمـه .. في الدعـوه إلى سبيل الله ودعوة غير المسلمين لدين الحق والتحاور معهم بلغتهم ..
الإنقليزيـه مهمـه .. في فهـم المصطلحات الموجوده في عالم الطب وعالم الأدويه ..
الإنقليـزيـه مهمـه .. في فهم النظريات الكيميائيه والفيزيائيه والحسابيه والمعادلات الرياضيه ..
الإنقليـزيـه مهمـه .. في التعـامل مع الغـرب ومعرفة مايحيكوونه لنا ومناقشتهم ومجادلتهم بلغتهم ..
الإنقليـزيـه مهمـه .. في التعاملات التجاريه والسياسيه بين الدوول الأجنبيه ..
الإنقليـزيـه مهمـه .. في السفر للخارج سواء كان للسياحه او الدراسه او العلاج ..
الإنقليـزيـه مهمـه .. في الترجمه وذلك بترجمة كتب الغرب والإستفاده من خبراتهم العلميه والاقتصاديه والمعرفيه ..
الإنقليـزيـه مهمـه .. في الإستفاده من مواقع االأنترنت الانقليزيه المفيده ومافيها من معلومات ..
الانقليزيه مهمه في جوانب كثيــــره ومتعدده وايضاً هناك جوانب حياتيه نستفيد منها مثل ..
معرفة مكونات المواد الغذائيه والاستهلاكيه المستورده .. معرفة كيفيه تشغيل الأجهزه الكهربائيه
والالات وغيرها ....
وفيه مواقف كثيره نتعرض لها ومانستطيع التحدث بجمله مفهوومه نعرف كلمات من غير ربط
ومن هذي المواقف قريباتي كانو رايحين لمطعم وكان السيرفس اجانب ولايحكون الا انقليزي 
عاد توهقوو يبون يوصفون اكله عجزو يربطون جمله مفيده  لين جا اخووهم وانقذهم
... من جد بهذله  حتى في بعض المحلات فيه اجانب كيف بنتفاهم معهم ..!!
وغيرها وغيرها من مواقف ننحرج فيها بسبة اللغه  ..
الإنقليـزي موووضه ومووودرن ...:
الغرض من تعلم الانقليزي الإستفـــاده والمعرفــه ...لكـــن .....!!!!
هناك اشخاص تعلمــو الجانب السلبـي من اللغـــه وهو حب المظاهر (الكشخه )
يتكلم بالانقليزي حتى يثنوون عليـه النـاس ويقولـون مثقـف وعصــري ..
وهو ثقافته سطحيه وضحله .. يلبــس ملابس كلها كتابات انقليزيه فيها كلمات مسيئه ولا يدري ..
اهم شئ مووضه ... !! سيـارته يحط عليها انـواع العبــارات الإنقليزيه ويتفنن فيها ... اهم شئ مووضه ...!!!
وغيرها وغيرها .........
هذا الجانب السلبي سواء من الشباب او البنات نتمنى اختفاءه وليرتقون بثقافتهم وشخصيتهم ...
أطفـــالنــا والإنقليــزي .. :
 
الطفـل وهو صغيـر أكثر تقبّل ويحــاول أكتشــاف الأشيــاء الجديده والغريبــه ..
يعني مثلا الطفل في بداية تعليمه في المرحله الإبتدائيه يتم البدء تعليمـه اللغه العربيه
وقواعد الإملاء حتى يكوون تأسيسه جيد ويكون بها المرحله اكثر تقبل للتعليم ..
اما اللغه الإنقليزيه يبدأ في تعليمها بالمرحله المتووسطه هنا نجد صعووبه عند البعض في تقبل الماده
وفهمها لأن المفرووض يكون التأسيس لها قبل .. والوزاره مشكووره قامت بتجربه بسيطه بتدريس اللغه
الانقليزيه في الصف الرابع وبصراحه كان قرار جيدوحكيم وفي مصلحة الأطفال لكن للأسف لم يطبق بشكل رسمي
والغيت الفكره مدري هل بترجع مره ثانيه اوو لا ... حلوو الطفل وهو صغير يكون عنده مبادئ بسيطه باللغه
عشان يستفيد منها ويتقبل الماده بشكل اكبر ..
هالحين مثلاً .. لو سألنا طفل صغير تعرف انقليزي يقوول ايه .. وت از يور نيم ؟؟ هذا حد علمه باللغه او مثلاً
يحفظ اسامي العاب السوني وغيرها باللغه الانقليزيه ...
 
لو نحاوول نحبب الطفل باللغه ونجيب له مثلا كتب تلوين فيها رسومات جميله فيها حروف وكلمات انقليزيه
بسيطه يحفظها الطفل .. أو مثلا نخليه يتابع افلام كرتوون انقليزيه بشرط انها ماتخالف ديننا وتكون تعليميه
مثلا اوول من زمان كان يعرضون بالقناة الثانيه شارع السمسم الانقليزي وكان فيها حرووف والوان كانت مفيده
بس حنا الله يخلف ماكنا ندري ولا نهتم فيها اهم شئ الكابتن ماجد وليدي 
مع كثرة المتابعه لها البرامج راح يتقنها واذاا كبر مايتعب ويفهم اللغه بشكل سريع ولا يصير عنده عقده منها ..
معــوقـات اتقــــان اللغـــه .. :
كل طريق لابد لوجود عثرات وعقبات حتى نصل للمبتغى .. وتعلم الانقليزيه فيه الكثير من العثرات ..
منها صعوبة اللغه ومفرداتها .. ايضا عدم الميل للغه وتعلمها ..
ايضا هناك بعض الاهل والاصحاب يهبطوون العزائم ويصفون باللي يتحدث فيها بأنها خرابيط أو اشياء غير مفيده ..
 
ايضا هناك بعض الاساتذه والمدرسين غير ملمين بالمدة وطرق تدريسها وبالتالي يقومون بتأسيس الطالب
تأسيس سئ او يعملوون على تحطيم الطالب ووصفه بمفردات لاتليق كالغبي وغيرها تجعله يكره الماده
وتصيبه عقده منها وبالتالي يكرهها ..
وصارت قصص كثير اعرف لكم وحده من قريباتي تخصصت باللغه الانقليزيه ولكن للأسف واجهت تحطيم من الدكتورات
والاساتذه وتخوويف لدرجة ان قاعة المحاضرات كانت مليانه مابقى الا الربع .. خوفووهم بصعوبة الماده
وانهم بيعيدون كم سنه وانكم لازم تغيّروون تخصصكم من البدايه ..
اصتدمت بالواقع المر والجو الغير صحي وغيّرت مسار تخصصها كغيرها من البنات وانهار الحلم اللي كانت تحلم فيه ..
معـــــاهـد ولكـــن .. :
انتشـرت معاهـد تعليـم اللغـه بشكل كبير في الآونه الأخيــره وذلك لإقبال الناس على تعلمها ..
ولكــن هالمعـاهد هل هي مؤهــله ..؟؟؟
هل يوجد فيهـا اساتذه اكفــاء ...؟؟؟
هل يوجد فيـها مناهج وبرامج محادثـه جيـده ...؟؟؟
هل اسعــارها مقبووله وفي متناول الجميع ...؟؟؟
الكل يعرف ان المعـاهد اللي تعلم صح انقليزي معدووده على الأصابع ماتتجاوز الاربعه ولكن اللي يلتحقوون فيها فئه قليله وذلك لإرتفاع تكاليفها ..
والبقيه يلتحقوون بمعاهد عاديه لكن ارى اغلبيتها ماتعتمد على المحادثه تعتمد على مناهج ماتجعل الملتحق يستفيد منها الفائده المرجووه 
والمتضرر اكثر شئ البنـات لان الشبـاب غالبيتهم يسافروون للخارج وياخذون كورسات انقليزي ويجون وهم مستفيدين
لأنهم اخذوو اللغه من منبعها الأصلي وايضا مع المحادثه مع العائله اصبحوو يتقنون اللغـه بشكل كبير ..
ودكــم تصيـرووون بلابــل باللغـــه .........؟؟؟
اكيد كثـير منا حلمه انا نرطن انقليزي ونغرّد فيها ونصيـر تووب باللغه ..
طبعـاً الحمـدلله نطق طق شووي لكن نبي محادثه طلقه .. وتركيب وربط جمل صح ..
فيه اشياء كثيــره تساعدنا على هالشئ ...
أولاً ..>> .. حب اللغه اي شئ ماتحبه ماتقدر تبدع فيه ..
ثانياً ..>>.. الرغبه والإصرار والطمووح في داخلك في انك تتعلم اللغه والتحدي مهوب مع قرداحي  التحدي مع نفسك بانك قادرعلى تعلم اللغه وكسر حاجر الفشل ..
ثالثاً ..>> ..كثرة الإطلاع وقراءة كتب انقليزيه او اي شئ يتعلق باللغه واخذخبرات من ناس درسو اللغه ..
رابعـاً ..>>.. فيه الكثير من الكتب والأشرطه والسي ديات لتعليم اللغه وفيه مواقع انترنت كثيره مفيده لتعلم اللغه
وفيه الكثيراستفادو منها اكثر من الدورات .. واخوي ســـ 9ـــام ماقصّر موضووعه عن عالم الإنقليزي
كان فيه جمل مفيده تفيدنا بالمحادثه الله يعطيه العافيه ..
خامساً ..>>.. فيه ففكره طرحناها انا وقريباتي اننا نحدد وقت قليل ونسووي تحدي في اللغه بحيث نحدد عشر كلمات نفهمها ونحفظها احس مع الجماعه بيصير فيه حماس وابداع اكثر ..مابعد سويناها ان شاء الله نسويها
سادساً ..>>.. مشاهدة البرامج الاجنبيه التعليميه والاخبار الانقليزيه والأفلام المترجمه( المفيده)تساعد كثير في حفظ
الكلمات بشرط التركيز وربط الترجمه بالكلمه ..
سابعاً..>>.. محاولة المحادثه مع الاصدقاء واي كلمه تصعب عليك الرجوع للقامووس الالكتروني والبحث عنها
بدون عجز ...
هذي بعض الوسائل والطرق لتعلم الانقليزيه ....
ومع كل ذلك انا ما ادعوو اننا نترك لغتنا العربيــه .. لغتنا العربيــه نفتخــر فيها هي لغة القرآن ..
ولكن متطلبات العصر والحاجه دعتنا للحرص على تعلم اللغه االإنقليزيه ...
وياليت نتناقش بكم سؤال اذا ماعندكم مانع
وش افضــل طريقه لتعلم اللغــه االأنقليزيه ..؟؟
هل اللغه االأنقليزيه تشكل عقده لديك او لديكِ .. ؟؟؟
اذكروو لنا مواقف تعرضتو لها وحسيتو بحاجتكم للغه اذا وجدت .. ؟؟
ان شاء الله عجبكم الموضوع وبإذن الله تعم الفائــده للجميع .. good luck.. >>حظاً سعيداً << ..
دمتــم بخيــر ..’’
أختكم  .. هلاليه سنعه ..  | 