السلام عليكم........



مساء الخير ياعيااال.....كيفك انتا وهووه؟.....اخوش طوالي احسن..لأنو احلى حاجه في الكلام لمن يكون دغري..وطوالي...من جد ياعياال....زعلني ابو ثامر...من جد أحس بخجل من حضور رئيس برشلونه لجده!....من جد ولأول مره..اشفق على ابو ثامر!!...كفايه يامنصور...كفايه!!...ياشيخ يمين بالله..أنو مانبغى رئيس برشلونه..ولا رئيس ريال مدريد..ولا رئيس ميلان يحضرو جده!!...عارف ليش يابو ثامر؟!!,,,لأنو أنا واثق..ومتأكد....وعارف..وفاهم..أنو الموضوع كلو...بس تصوير!!..واعيد واكرر...لأنو الدوشه اللي حصلت كلياتها تصوير في تصوير....وما حتصعدنا نهائي الدوري..ولا حتخلينا نفوز باي كاس....الله يرحم اللي جابوك يابو ثامر مانبغى تصوير..ورفع يدين....وصحون مليانه حلاوه بقره على الطاولات!!!...شوف كيف منهجية احمد مسعود..شوف كيف كانت ادارة طلعت لامي!!..ياشيخ احنا نبغى حاجه وحده وبس...نبغى الدوري..وكأس ولي العهد...نبغى بطولات عليها القيمه....الدوري وبس...الدوري!!!....أذا راجل بصحيح...جيب الدوري وكاس ولي العهد!!...وما حنطالبك ببطولات الا بعد عشر سنوات!!!!ما انكر انو ابو ثامر..مايقصر مع العميد..ما انكر انو ابوثامر يبغى العميد يكون فوق..ما انكر انو ابو ثامر يضحي بفلوسو على شان العميد!!!...بس نفسي اعرف..ونفسي افهم..ليه يابو ثامر تغز الهلال في كل مكان؟!...ليه يابو ثامر تنظر للهلال بانو هو اللي يديك الشهره والأعلام؟!!...ليه يابو ثامر تنافس الهلال على كل حاجه يخططولها وتحاول تغلس عليهم؟؟!!...ليه يابو ثامر ماتجيب افكار من راسك انته ولا تعتمد على افكار الهلال؟!!..ليه يابو ثامر..ماجبت رئيس ريال مدريد, وسبت الهلال مع الفريق أللي اختارو برشلونه؟!!....وأنتا تعرف انو الريال اشهر من البرشا؟؟!!!!!!!...ليه يابو ثامر..ماتقلد نادي الأهلي....أو النصر أو الشباب؟؟!!...ليه يابو ثامر بس الهلال؟؟!!.....بصراحه زهقنا..وتعبنا...وللأسف انتا ماتعبت..ولا زهقت؟؟!!!... ... حبيب قلبي ابو ثامر.....صدقني..حتتعب..صدقني...حيتعرقل الفريق اكثر واكثر!!...صدقني أنو الأشياء هااادي حتسبب عقده اتحاديه طويلة الأمد في مباريات الهلال الفاصله.....صدقني حتخلي الهلال يخرجنا من الدوري ومن كاس ولي العهد..ومن كاس ألأمير فيصل....أنا اجزم الأن..وأمام الجميع..واتحدى اكبر راس...لو يلعب الهلال والأتحاد في المربع.. حيخرجنا الهلال!!!!...مش تحقيرا من قدر الأتي!!..ولكن هاادا هي الحياه..وتجاربها!!!..أللي يغلط على الناس ما حيسيبوه,..وحينتظروا اقرب فرصه يصفعوك فيها...وهي مباريات المربع وكأس ولي العهد!!....كيف تحاول تغلس عليهم؟؟..وتبغاهم ساكتين...كيف تحاول تفشل كل حاجه يعملوها...وتبغى لعيبتهم يلعبو معانا كأنها مباراه عاديه!!!....انا اجزملك انو كل الفريق الهلالي الأن..يتمنو مقابلة الأتي في االمربع أو نهائي الكاس!!!..على شان يثبتو نظريه أخترعها ابو ثامر..وهي: التصوير والفلاشات لأبو ثامر..والبطولات للهلاليين!!!......بصراحه يامنصور...واسمحلي اقولك....ما اعتقد الأتحاد يحقق بطولة الدوري في عهدك....ويمكن كمان كاس ولي العهد!!!...انا عارف انو في ناس..ممكن يقولو ايش الكلام هاادا ياسيبني؟؟!!..انتا مالك حق تهاجم ابو ثامر!!!!...بس انا اقول...واقسم بالله العظيم ياناس انو اللي بيعملو منصور غلط في غلط!!..اقسم بالله..انو حيحطم الفريق الأتحادي بالطريقه هااادي!!!....سيبونا من المجاملات...وسيبونا من الترقيص..والضحك على ألذقون!!...سيبونا من هاادي الأشياء!!!...أنا عارف انو في ناس اتحاديين كتيير متضايقين...وانا أتكلمت معاهم!!...وهاادا خلاني اكتب الموضوع!!!....اللي بيعملو ابو ثامر من تغليس....وأنشغال في اشياء ما حتأكل الفريق لا بليله ولا مقلقل, ما يفيد!!..منصور البلوي..افحم من قبله من رؤساء انديه ورياضيين في فن التغليس!!!.,..اتمنى...واتمنى..انو يركز منصور في الفريق الأول لكرة القدم..ومشاكلو...ويسيب الهلال!!....وأنا احساسي يقول.أنو لو استمر ابو ثامر في طريقتوا...حيتكرر سيناريو المربع الذهبي العام وقبل العام!!..والشاطر يفهم!!...والكوره في ايدين ابو ثامر لسه!!!......بالله ايش استفاد الأتحاد من زيارة لابورتا!!...انا حسهل عليكم....استفاد فقط التصوير...والأهتمام الأعلامي..لمدة يومين..وبس..يومين وبس!!..واللي صدق انو في اكاديميات..ومراكز..ومادري ايش!!..اقولوا..لا تفرح ياحبيبي..الموضوع وما فيه..أنو لابورتا حضر فقط للتصوير والتغليس على الهلال!!!!..واخذ 4 مليون ريال( 4 مليون ريال وبس..شامله التصوير والبليله...واالحجر الباعشن وافول والتميس)..وحيرجع اسبانيا..ويحمل الطياره بالحلاوه البقره....والمندي!!!

...ياواااد كفايه....كفايه يا ااااسعد..كفايه..لا تنزل برااد..ولا حجر..اليوم مالي نفس أدق التعميره في نفس القهوه اللي عمر فيها لابورتا.....