نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ســوت آمــي مــثــل مــاســـويـــت .. ويا(( آيــتــو)).. خيراً ســـويـــت

روقآن · #1 23/12/2006, 01:48 AM

يوم كنا صغار <<=-=- شرايكم في بداية فيصل اليامي خخخخ

على طاري الصغار .. ولاحظو اقول صغار لحد ينقد علينا

.. كنا نتجمع شلل من الورعان اكبرنا لايتعدى التاسعه واصغرنا لايقل عن الخامسه .. وبما اننا اطفال .. فكنا بريئين بتصرفاتنا

.. وأي خبر جديد يفرحنا .. وكنا مره مخلصين دراسه وناجحين وبتفوق .. وكان معنا " درام " مب راسب بس كان مخه مجموعة قواطي " صلصل " .. وكان يتكي معنا بما انه من عيال الحاره ..المهم كل اوحد قال انا ابوي بكرى بيشتري لي سيكل .. والثاني قال ابوي بيشتري كيرم .. الثالث قال ابوي بيشتري " اتاري "

بعدا ماخلصنا اجتماعنا البريء .. ونزلنا للسوق

صرنا ندور " كيرمات " .. "سياكل " .. " اتاري " الزبده انقرضت من الاسواق

.. وبالعصريه نحتري " التفخ " بس ماجاء .. ورحنا لبيته نتطمن عليه نحسبنه منصرع

.. بس للآسف لقينا "هالجنط" رازن بجنب سياكله واتاريه وكيرماته ويوزع ابتسامات .. فطلع الآهبل شاري كل السياكل .. والاتاري .. والكيرمات الي بالسوق.. عشان يتفرج علينا نتحسر .. بما انه منفقع "قهر" من نجاحتنا المتواصله بالدراسه .. وهو مكانك " راوح " ..

طبعاً بعضكم بيقول هذا " ورع " .. وفي بعض المناطق يطلق عليه " وغد"

.. يعني نادراً محد يشر عليه .. يعني بكرى بيكبر ويمكن يكبر عقله .. وهالنوعيه تلقى واحد بالعشرطعش مليون .. يكبر عقله مع استمرار عمره بالتقدم .. بس شرايكم بواحد "الطول طول نخله والعقل عقل صخله "

... يعني المشكله مب تقدم بالسن .. المشكله جنوبه تنفخت .. وكرشه تمغطت .. ولغابيبه تهرقطت

.. بس عقله مغرزززز

طبعاً كلكم عرفتوا " شخصيتنا الزكيه "

.. ترى اول حرف من اسمه " منصور "

.. طبعاً السيد " تفخ " مازال عقله يعاني من ضعف في النمو .. حيث انه منذُ ولادته .. كان معه هرمون نمو عنيف في جميع انحاء جسمه

..بس بعد ماوصل عمره " خمس سنوات " .. حاول يلعب اتاري ..بس مخه ماكان يساعده على فهم اللعب .. فتوتر " الثور " وظرب براسه فيوز .. وانقطعت الامدادات للعقل .. فتوقف عقله عند السن " الخامس " ..

ولو ترون تصرفاته الآن .. راح تجدونها تصرفات اطفال .. وتدل دلاله كامله وقاطعه .. ان الثور " منثور " تفكيره كتفكير .. طفل الاتاري والسياكل

...

المشكله يا اخوان وصل درجت الاستخفاف بعقول جماهير ناديه .. الى درجة السذاجه .. يعني افهموا ياجماهيرنا .. وجيهنا مب وجيه بطولات .. بس لكم عليكم اخيط " افواهكم " واجيب لكم لاعبين " ارشيف " او اندية عالمية

.. ويمكن هالنادي يجي ويمكن لا .. على حسب مزاج " لابورتا " .. اذا ماعكرت مزاجه " المدام "

.. يمكن وقتها يسحب سيفون على النادي " الموريتاني " .. قصدي .. " المونديالي "

.. والي اتوقعه ياجماعه الخير .. وبعيداً عن تحليلاتي الماليه لسوق الاسهم

.. ان الشيـ"ك"."خ" . منـ"ث"ـور .. وبعد تجارب عديده .. من اللعب على الدقون .. ومن املاء افواه الجماهير " بالتراب " انه ناوي يبعد الانظار عن سلسلة من السقطات له ولادارته .. بالتمويه الآعلاني .. والي اعرفه وابخصه .. انه ناوي ينتظر الشقيقان محمد امين وعبدالله امين .. وينتظر المرقب .. واسامه المولد .. خمسة عشر سنه .. وبعدها بيسوي حفل اعتزال جماعي .. وعلى طريقة " الزواج الجماعي " .. ولكن في احمد جميل " وتنقيعه" اكبر مثال

..

بعض الصحف اصدرت اشاعات .. " لابورتا لن يزور الهلال" وكأنهم بذلك يقولون حرررره ياهلال .. مساكين بيجينا لابورتا ومب جايكم هيه هيه

.. صدقوني راح يطلع لنا " جستنيه" بعد كم سنه ويقول بطولات الاتحاد " كثيره "

.. ليش ماحسبتوا مباراتنا مع " ميلان" كبطوله .. ومباراتنا مع " برشلون " كبطوله .. " قالو وش تقدرين عليه .. قالت اشق جيبي "

.. كبير ياهلال الى هالدرجه كاسر خشومهم

يقول لك الاخ ( ق.م.ت من الخبر ) ... وهو يعتبر مصدر رسمي بالنسبه لي في مكتب الاستقدام

يقول لك ان الهلال طالب ثلاثه عمال نظافه "هنود" الجنسيه .. ولكن هناك محاوله لاعاقة حظور " الهنود " لوجود شخصية من فصيلة " الثيران" يحاول استقدامهم لناديه .. نكاية بنادي الهلال .. ولكي يقهره

ينعن شكلك ياشيخ " دب " وش هالذهانه .. اهم شي لاتنسى لاجبت الهنود .. سوو مؤتمر .. وعلمهم انك مطفوق وفضيحه .. وكل شي تسويه قبل الهلال .. ولاتنسى تصور معهم وتخلي الجمهور يصور .. وترى مب شينه لو تاخذ فيهم لفه بمناطق المملكه وتعرفهم على الناس .. انك جبتهم قبل يجيبهم الهلال .. عشان يصفقون لك

.. يقولون عاش الطفل منثور .. واغدي يعطونك "مصاصه"

..
اخاف بكرى نجي نسوي صيانه " دورات مياه " وانتم بكرامه .. ويطلع لنا منثور .. وينشب للمقاول .. ويقول صلح عندي اول

مع اني اجزم انه براسه وكله على بعضه يبي له صيانه

الحمد لله اني هلالي .. الحمد لله اننا كهلالين مبنبع الافكار .. المفروض يحولون نادي الهلال من نادي ثقافي .. الى نادي استشاري .. عشان تستفيد هالانديه .. وتعرف خطط الهلال المرسومه للحصول على البطولات فقطططط

.. وليس احضار " هنود " او فريق " عمالي "

..

امس في مباراة برشلونه .. شفت واحد يشبه "منثور" .. مع اني متأكد انه هو .. بجنب ايتو من يسار .. نقز واحد جنبي .. قال ياخي هالفضيحه يذكرني بـ " بارني " الي دايم مع بوش " الابن" وبراسها سلسله .. كل ماراح ايتو وراه .. وكأنه يقول تكفى ياخي " قّردن " لابورتا خله يوافق

وماقصر ايتو سوا خير في هالمسكين ..يحلفون يمين انه نزل خمس كيلو .. من كثر مطامره ورى ايتو .. على طاري " بارني " وش وجه الشبه بين " سبوت " و " نجستيه " ..؟؟ الي يبي يعرف وجه الشب يسوي بحث بقوقل بأسم سبوت وبارني ..

ابو سلطان لو منك .. بالدرجه الممتازه .. 11 رئيس .. لاصبح المنتخب ينافس على الدور الاربعه بكأس العالم .. وهذي ليست مجامله ... بل هي الحقيقه

.. فهذا الامير الشاب .. هو عكس افطل " منثور " 180 درجه .. حيث ان عقله اكبر من سنه .. الله يحفظه ويزيده علم وفطنه

.. ابو سلطان والله اقولها من قلب .. اني لاشفتك في الملعب " وتلوح " بيدك للجماهير .. فوالله كأن برشلونه وريال مدريد معاً في وسط الملعب ..

في الختام مازال الهلال .. يثبت انه صاحب الآولويات .. والبقيه ماهم الا " تبعين " .. فنحنُ نكمل مشوارنا من حيث وقفنا .. وغيرنا يبنون خطط من عند بدايتنا

..

بدأنا بحملة الجوال .. وبدأو الآخرون بالتقليد .. بدأنا قناه فضائيه .. وهاهم يفكرون بتقليدنا .. اصبحنا الاميز والافضل على مستوى المنتديات .. فحاولو التزوير للتقليد فوقعوا .. ليعيدوا قصة الدلخ " الذي حاول ان يزور خمسمية ريال .. فوضع صورته "

بدأنا نتعاقد مع لاعبين .. فثارو كثيران اسبانيا .. وبدأو بالمفاوضات تحت الطاوله .. وهم مستندين على ان الهلال يعتبر الافضل في التخطيط .. فأكيد انهم اختارو الاعب الانسب والافضل .. ولكن " لايوجد " هناك ثور يحمل مواصفات " اسد " لكي يزن الامور .. فيقع وقتها في شر اعماله .. وتحياتي للزايري

.." وسوت امي مثل ماسويت " ..

!!.. اهداء لمنصور وابواقه بالزريبه ..!!

خلف الغراب يسير الكل مهتديا...
نحو الهلاك عن الرحمن قد ذهلا...

ما في الزريبة من عقل وذي فهم...
إلا الحمار وذاك الثور والجملا....

اعذروني على المشاوير والاخطاء الاملائيه .. والعشاء برد .. بس خفت تطير بنات افكاري اخر الليول .. وماعاد احصلهن

.. بس بذمتكم شرايكم في طقم الآلوان .. عشان مايقولون عنصري ويكتب بالازرق بس .. ويشككون بوطنيتي خخخخ ..

تحياتي