# # ..آنتهى آلدور الآول والزعيم متصدر .. وبفارق كبير من النقاط .. ليثبت للجميع .. بآن هلآل 2007 نار .. ومن يقترب ينكوي بناره .. حاول نادي الشباب الاحتكاك بزعيم الصداره .. ورغم الهجوم الشرس من بعض الاقلام الطفوليه .. ومحاولة زعزعة الكيان الهلالي .. لتشتيت اذهان النجوم .. وللظغط عليهم بأكذوبة التحكيم .. التي اخترعوها وصدقوها .. ليظربهم زعيم اكبر القارات في مقتل .. ويصفعهم بالاربعه .. وكل واحد يقول للثاني " وخر " انا احلى ..
.
.
.
.
.
.
.
# # .. مشكلة هالاقلام الي كانت بدايتها بمجلات تناسب عقليتهم .. كماجد وميكي ولايهون باسم .. وليتهم بقوا مشكلتهم من جرف لدحديره .. ماراحو بعيد .. اخرتها صارو يكتبون بجريدة " الصرف الصحي " آعزكم الله.. وكل مانط واحد ورز له مقاله تمس الكيان الهلالي .. يكون رد الهلال بالملعب .. وكأنهم يقولون وعندك واحد " سيفون " .. لزلايب.. " البيارة " .. :p
.
.
.
.
.
.
.
# # .. كديش .. كلمه تكررت كثيراً بمنتديات الجار المهدد بالهبوط .. ولكن مع بداية الدوري .. تكفل الكاسر ياسر .. بأكتشاف مجموعه من " الكديش " في دورينا .. فمع مباريات النصر .. الاهلي .. الشباب .. اثبت ياسر ورفاقه وبرغم التدقيش .. ان في كل فريق 11 لاعب كديش ..والاحتياط اردى بزود .. ولكن الشي الغريب ان زعيمنا .. اكتشف شي جديد .. وهو ان جماهير هالفرق تحمل ماركة كديش بعد .. وعلى طاري كلمة كديش .. وش اخر اخبار عماد الكوري ..
.
.
.
.
.
.
.
# # .. الهلال قبل ثلاث سنوات .. ومع بداية ابو سلطان بالرئاسه .. قال ان هالفتره فترة بناء للمستقبل .. وكانت النتيجه سبع نهائيات .. اثمرت بست بطولات .. وبطوله زكاه للضعفان .. بعض الانديه من قل الدبره قالت بنسوي زي الهلال .. ومع هالسنه قالت اننا بمرحلة بناء .. وانتهى الدور الاول والفرق بينهم وبين صاحب المركز الاخير اربع نقاط .. الزبده الي طلعت فيها من هالتصريح .. ان البناء الحالي هو لحصاد بطولات الدرجه الاولى السنه القادمه .. يعجبني في هالفرق ان طموحهم على قد كديشهم من لاعبين وجماهير .. وياخوفي انهم في الاخير يرجعون من حيثوا قدموا .. وينافسون على بطولات الدرجه الثانيه .. ودوري المناطق ..
.
.
.
.
.
.
.
# # .. مع كل هدف هلالي وفي كل مباراه .. نجد اللعيبه يسجدون شكر وحمد لله .. ولكن الشي الي يشرح الصدر .. انك تشوف جماهير تسجد مع كل هدف.. من جد منظر اثارني.. قال الله تعالى فيما معناه ( ان شكرتموني لازيدنكم ) .. الله يدومها من نعمه .. من جد يا عيال ترى حنا في نعمه .. مايحس فيها الا فاقدها .. واسئلوا جماهير الجار ..
.
.
.
.
.
.
.
# # .. ياسر القحطاني .. لو اضعك في كفه والـ25 مليون في كفه .. لرجحت كفتك .. تفداك الملايين يابو سعيد .. بس تكفى ياخوي الذيب .. انتبه من من هم على شاكلة الطحلب وليد عبد ربه ... وياويلك ياعبدالله كوني .. كلها شهر وتسحب منك الجنسيه .. احس ابو سعيد بيستاثم فيك..
.
.
.
.
.
.
.
# # .. كل ماراح جيل قدم جيل .. وكل اجيالنا معدنها ذهب وماترضى الا بالذهب .. ولكن مانراه حالياً من زعيمنا .. يحسسنا بقدوم طفره من الانجازات والبطولات .. وقولو سكوب ماقاله .. وراح اذكركم بأخر 2007 وقت استعدادات الزعيم لبطولة كأس العالم للأندية ... ;)
.
.
.
.
.
.
.
# # .. سامي الجابر .. تعرف وش اكثر شي يضايقني يابو عبود .. كل ماتذكر ان كل لاعب له نهايه ويعتزل .. تغصني العبره .. والله بنفقدك يابو عبود .. ليتني ولد عمك وانشب لك كل يوم ..
.
.
.
.
.
.
.
# # .. محمد الشلهوب .. مع كل مباراه تصفع ابن همام على " قفاه " .. وكأنك تقول له .. فاضحك فاضحك الله لايعوق بشر .. .. بس صدقني ياموهوب .. انت قطعت الشك باليقين .. واثبت للجميع ان ابن هدام غبي .. اجل هو صح وباقي الخبراء والمدربين دلوخ .. الله يشفينا من عمى البصيره
.
.
.
.
.
.
.
# # .. طارق التايب .. الي يشوف فرحتك بالهدف .. يقول انك لعبت بكل المراحل السنيه .. وهذا سر الهلال .. كلهم قلب واحد عنوانه حب الكيان الهلالي..ولايهون تفاريس .. والله يديم هالمحبه .. ويديم فرحة البطولات
.
.
.
.
.
.
.
# # .. مع القادسيه انهيناها واحد .. ومع النصر انتصرنا بأثنين .. ومع الاهلي احرقناهم بالثلاثه .. وانهيناها مع الشباب بأربعه .. فهل يستمر التصاعد في المستوى مع التصاعد بالنتيجه .. صدقوني كل شي مع الهلال معقول .. وراح تشوفوني خمس مرات خلف الشباك الخليجيه <<=-=- بيترزز اهناك من عصر
.
.
.
.
.
.
.
# # .. قبل ما أختم موضوعي .. خرجت لنا مقارنات لبعض الكديش مع كاسرنا .. وبعد ماصار جو الدوري ساخن .. اختفوا كديشهم .. وظل كاسرنا لوحده بالساحه .. والي في راسه حرش ينزل
.
.
.
.
.
.
.
# # .. عندي احساس ان ابو سلطان .. ناوي يعايدكم بعيديه ماتحلمون فيها .. ومادام السالفه فيها ابو سلطان .. فصقدوني ماراح يخيب احساسي ..

ممكن واحد بريء يسئلني ويقول وش سبب هالتفائل .. راح اجاوب عليه وانا كشرتي متمغطه .. واقول له .. ترى هذا ابو سلطان مب عماد واخوانه ..
.
.
.
.
.
.
.
وكل عام وهلالي بألف خير