انا اللي اعرفه ان البنت مالها في الكورة.. لكن اذا بتهتم ممكن تشجع المنتخب. اما غير كذا معليش عندها
اشياء اهم تفكر فيها و تشغل نفسها فيها. لان الكرة رياضة رجالية اصلا.
اما مسالة انها تقعد تسوي لي فيها متعصبة ومنتديات ومن ها الكلام فهذا شي ماله سنع.
وزي ماقال ابو الشباب اسالي ابوك وشوفي ايش يقولك!
اما اللي يقولك خليك في المطبخ فهو صادق لان ثلاث ارباع بنات هاليومين مايعرفون شي في الطبخ
اذا جات البنت سوت لها حلا او اي وصفة جاهزة صدقت نفسها انها خبيرة الطبخ وتقول لاهلها من اليوم
ورايح اسمي الشيفة فلانة. فاذا انتو يابنات لسا ماتجيدون الطبخ اللي هو شغلتكم اساسا ليش تتدخلون في شغلنا
احنا الرجال.
فهو يقول اذا تعلمتي المطلوب منك تسوينه كبنت ذيك الساعة تعالي المنتديات.
وبعدين شي مهم اذا تقولين نعبر عن الكبت ترا الهلال ماتاثر عبرتي ولا ماعبرتي. الحمدالله من يوم عرفت
الزعيم واحنا دايم الابطال من قبل النت والمنتديات يعني قبل ماحضرتك تعبرين يا ام التعابير. هذا شي!
الشي الثاني هو اللي يقول ان نص اللي يردون يجاملونك لانك بنت. كلامه صحيح بنسبة 70% والباقي يبغى يزيد
المشاركات.
الشي اللي اتفق معك فيه هو اللي يقولك يا السفيهه. عاد هذا من جد ماله حق يعني ماتوصل لكذا.

اما انك تقولين ان احنا الشباب نلتقي مع رئيس النادي واعضاء الشرف واللاعبين ونروح الملعب فهذا مسموح لنا كرجال
و ممنوع لكم كبنات لانه اصلا لا يجوز . الا ان كان تبين تقابلين ناس ماهم محارم لك هذا شي راجع لك.
وبما انا احنا اللي نقابل الرئيس وأعضاء الشرف الخ. اجل احنا اللي نعرف امور النادي وندري ايش اللي ساير عشان كذا
احنا اللي مفروض نتكلم ونناقش هذي الاشياء في المنتدى. اما مسألة تسوية الزحمة بس حتى تقولين

يوه انا فرحانة مررة.....الهلال فاز الله ياربي انا طايرة من الفرحة.
بكرة بروح الثانوية ولا الجامعة و بنرفز صديقاتي النصرويات لميا و ريما وباقي الشلة!

لا ومن زين الطبايع في نهاية الموضوع تقول .. أرجو التثبيت!!!

ارجو ان تكون الرسالة وصلت والاختلاف في الراي لا يفسد في الهلال قضية ..

وتقبلي تحياتي.