نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - من ينصـف الطالبة من المعلمة ..!! والأمانة أين موقعها من الأعراب!!!

سندريلا الهلال · #1 11/12/2006, 04:26 AM

بسم الله الرحمن الرحيم

أحساس القهــر حسيت فيه لما سمعت وتأكدت أن الأمــانة في العمــل أصبحت لاشيء

كلنا نعــرف أن المصدر الأساسي والرئيسـي لرقي أي بــلد ..هو التعليــم ..

والتعليم بالأضافه الى انه يساهم في رقي البلد من خلال اتقانه .. للعمل الوظيفي .. ايضا يساهم في ثقافة الفـرد وتربية أخلاقه ..

لكن .. اللي نشـوفه ونسمــعة غيــر غيـر غيـر ..

يعنـي مثلاً ..

طالبة في المتوسط .. مجتهدة .. غابت عن المدرسة لأنها مريضة .. وغابت يومين عن المدرسة ..

واكيد لما تغيب راح تجيب عـذر طبي لغيابها .

. جابت البنت العذر

.. وسلمته للمشرفة المسؤلة

طبعاً فيه مواد تدرسها من الممكن تعتمد على نفسها فيه .

. لكن فيه مواد تحتاج لمساعدة معلمتها

..

البنت بكل أدب طلبت من المعلمة .. انها تعيد شرح درس مادة الرياضيات لها .. لأنها حاولت .. تستوعبه وماقدرت ..

( مع ملاحظة ان الطالبة حاولت )

انا طبعا لما سمعت القصه رديت عفوي وقلت: اووووووووه اكيد المعلمة انبسطت ترى سبحان الله معرووف ان المعلمة تحب الطالبة اللي تجي وتقول انا مافهمت ممكن تعيدين الشرح تحس انها مهتمه وهالشعور كلنا نتمنى انه ينغرس في طلابنا حلو الاحساس بالاهتمام ..

لكني تفاجئت بأن الرد عكس ماتوقعت تماماً .. ردت المعلمة وقالت : من قالك تغيبين ماراح أعيد الدرس

طبعاً الطالبة ولأنها جادة في علمها وحريصه على تلقية ..

لجأت الى المشرفة .. وقالت لها: ان المعلمة رفضت تشرح لي الدرس مع اني جايبه العذر ..

عاد انا هنا قلت خلاااص .. اكيد ان المشرفة قالت للطالبه ولاعليك .. يمكن المعلمة كانت متضايقه وقتها ولا اكيد هذا من حقك وماطلبتي الا اللي يحق لك وطبعا ما احتاج اشكرك على اجتهادك لانه في الاول والاخير هذا في صالحك انتي .. ولكن حبيت احيي فيك الاهتمام .

.

حتى اللي مو كنت متوقعته وبس لا كنت متأكده انه بيصير .. طلع عكس

المشرفه ردت وقالت .. من حق المعلمة ترفض او توافق يعني مالي حق اني اجبرها او انتي ..

البنت طبعاً انقهرت ولما شافت ان الدعوه وصلت لهدرجه .. قالت طيب المعلمة معاملتها سيئة واحيانا تتلفظ علينا بالفاظ مايستحقها الا من لايشعر ..

قالت بكل بساطة .. هذا اسلوبها

ورجعت البنت لفصلها بعد جدال بين اثنتين من اهم ركائز التعليم

. رجعت وهي تحمل لهم ابغض المشاعر

رجعت وهي منكسرة

كانت تتوقع ان تلاقي الترحيب وان يلاقى اهتمامها اعجاب معلمتها

.. ولكن الواقع غير والخيال أيضاَ غير ..

من المسؤل ....!!! فعلاً أنا أتسائل من المسؤل عن وجود هالعينات هذي في مدارسنا ..أنا ما أعمم لأني دائماً أتفائل أن الخـير موجود دائماً في أي مكان .. لكن ماذنب من يقع ضحية استهتار معلمة وعدم مبالاة مشرفة ..!!!

أنا أسأل .. ضمـير تلك المعلمة اللي كسرت بخاطر الطالبة ..!!! أنتي تستلمين محفـز لك راتب ضخم تستلمينه نهاية كل شهـر .. كل هذا من أجل هذه الطلبات من الطالبات .. هذا مو فوق حاجتك حتى ماتطالبك .. هذا دورك أساساً ..

أحيانا الشخص يعمل لشخص آخر خدمة .. لله في الله ..وأنتي في تقديمك مساعدة للطالبة تستلمين عليها حقك!!

بجد وجود هالعينات من هيئة التدريس في اي مكان يحبط .. اي تقدم لنا .. واي رقي .. العلم أخلاق وتهذيب

العلم رسالة من أعظم الرسالات ..

لازم نلقى حلول .. لازم يكون فيه هناك دورات تثقيفيه الزاميه في المدارس للمعلمات ...الان الجيل يتغير يوم عن يوم لازم نعرف كيف نتعامل معه ونعرف كيف نكسبه بذكائنا ومانخسرة بجهلنا ..

..... يجب ان تتخلى عن ضغوط الحياة اذا دخلت المدرسة .. أنا أعرف ان المعلمة بشر وتحس وتشعر وعندها مسؤليات وتمر احيانا بأزمات كلنا يعرف هالشي . ومقدرين عملها ...

لكن من الظلم أن يتضرر الجميع .. فالأنسـان العمـلي يتخلى عن كل شيء لا يتعلق بعملة حتى يعرف كيف يعطي كل ذي حق حقه .. فالأمانة شيء عظيم .في الدنيا والاخره .

والله يوفق الجميع لما يحب ويرضى ...