رســــاله من اهلاوي لكل اهـــلاوي
السلام عليكم ورحمة الله وبركاته
حبيت اوصل رساله للجمهور الاهلاوي المتلحط وماعنده منتدى يضفه زي الاوادم
المنتدى الرسمي خذوه عيال فيصل معهم وحالفين مايفتحونه
ضيعنا وقتنا بهذاك المنتدى مواضيع وسهر وشعر وكل شي وبالاخير المنتدى الرسمي للتقبيل
منتدى الكواسر الظاهر المسؤلين عليه قمة الدجه
ثلاث شهور احاول اخذ الباسوورد وموراضين يرسلونها
يقالهم مكتفين الاخوان
ومنتدى الامبراطور يوم مفتوح ويوم مخترق من هكر اتوقع اتحادي
وعلى هالحال لين نموت
عموما حبيت اوجه رساله لجماهير الاهلي ياليت كل من يدخل منتدى الزعيم يقراها ويفهم معانيها زين
وموضوعي قاعد اكتبه عقب مباراة الاهلي والهلال اللي فاز فيها الهلال بجداره
يمكن تقولون قلت بجداره خوف من المشرفين يحذفوني ولا استعطف جماهير الهلال بس ورب الكعبه بجداره فازوا
الحكم يخطي مايخالف
بلنتي ولا قول غلط مايخالف
بس قولولي وش ذنب الهلال بهالشي كله
يعني عشان النصراويه قاموا يصيحون كنهم مضيعين بطولة العالم نصيح معهم
اقسم بالله لعيبتنا دااجين
والدليل داخلين المباراه متنرفزين
بذمتكم فيه فريق فايز اثنين صفر اغلب لعيبته خبره ودوليين مو عارفين يحكمون اعصابهم
نرفزه وتكسير واخطاء بدائيه مايسويها ناشيء
ولا تبون تفهموني انه الهلاليه قالوا للمسيليم تقدم عشان تدخل الكوره
ولا قالوا لبدره صلح عربجي على الحكم عشان يخاف منك
ولا قالوا للعبدلي انبرش على اللاعب عشان يطير خمسه متر فوق والحكم يبي يصفقلك
اقسسم بالله مايتعدل فريقكم ين يطلع الكديش اللي فيه واولهم محمد مسعد
اللي لين الحين مايدري وش اسم اللعبه اللي قاعد يلعبها
احيانا احس انه يلعب سله واحيانا كاراتيه واحيانا عرضه جنوبيه
ياجماعه والله الاهلي ضعيف فنيا قدام الهلال لانه فيه عنااصر فاااشله
معقوله جفين ومحمد عيد وتركي الثقفي برى وبدره والعبدلي ومسعد يلعبون ؟؟؟؟؟
حبيت اوصل رسالتي لكم لاني مالقيت منتدى خاص فينا نكتب فيه
وياليت اذا احد من مسؤلين جوال الاهلي دخل هنا يرسلي طريقة الغاء الخدمه واكون له من الشاكرين
اتمنى من جميع الانديه ترسل المسؤلين عن جوال انديتهم لجوال الهلال ياخذون كورس ثم يفكرون يشتركون ب الخدمه
ورب الكعبه اكتب هالكلام من حرقه على هالفريق اللي مدري وش نهايته
الاهلي يمر باسوأ مراحله لايغركم توفقنا بتعادلين مع الرجا نسيتوا كل مصايبنا
والله الاهلي يبيله غربله قووويه والبقاااء للافضل يكون شعار الغربله
تحييه اعجاب وتقدير لمسؤولي جوال الهلال يشهد الله مافيها اي مجامله او محاولة كسب ودهم
اتابع رسايلهم بجوال اخوي وكل يوم اهنيه بهالخدمه المتنوعه
بالاخير للي يشغل مخه ويفكر اني هلالي كاتب هالكلام ابقهر او اغيض احد
اقسم بالله اني اهلاوي من راسي لاخمص قدمي
ودمتم
* اعتذر باسمي وباسم كل اهلاوي على حركة حرق الاعلام اللي صارت من ناس محسوبين على الاهلي
ماودي اظلم احد بس اتوقع اتحاديه
اخوكم النسيان
 | 