هلا والله بالسنعة


سبحان الله الايام صارت بسرعة تمشي تونا قبل ايام مودعين رمضان والان نستقبل الحج وكلها ايام من اعمارنا الله يحيينا ويميتنا على طاعته ولا يميتنا الا وهو راضي عنا يارب


نجي عاد لموضوعك ( المختلف ) كعادتك

إقتباس طبعاً في السنوات الماضيه كانت هذي الحملات معدووده ..قليل من الناس يحجون عن طريقها وكانوا يسافرون بسياراتهم ويضعون مخيمات لهم ويقومون بخدمة انفسهم من مأكل ومشرب الى غيره .. اما في الوقت الحالي .. انتشرت حملات الحج والعمره .. وتلاحظون ماشاء الله الجرايد هاليوميين كلها إعلانات عن الحملات .. إعلانات تعد الحجاج بالخدمه المميزه والحج الميّسر وإرضاء كافة الرغبات .. اختلفت ألوان الإعلانات وزيّنت بأحلى العبارات ونمقت بالوعود الرنانه وبعضهم يضع شكر وتقدير الحجاج الذين حجو عن طريقهم لجذب الأنظار إليهم ولفت الإنتباه لحملتهم المميزه

حملات الحج مع الاسف مثلها مثل مكاتب الاستقدام ومكاتب السفر والسياحة و غيرها فيها الكويس والوسط والسىء وفيهاالنصاب بعد

مع الاسف اغلب اصحاب الحملات مايستشعرون الجانب الديني كل هدفه مادي فقط صدقيني لو انهم فكروا بس بلحظة بالجانب الديني والاجر والمثوبة والدعاء اللي ممكن يجيهم ماشفتي الكذاب والحرامي بينهم

إقتباس وللأسف الناس عكس هالمثل كل سنه تلاقيهم يحجون ويضيقون على خلق الله لو انها عمره كان ميخالف في أي وقت تعتمر .. لكن الحج مره وحده والناس يجون من أنحاء معموره .. والدوله لمواجهة هالمشكله ألزمت الناس .. بـ تصـاريح الحـج .. يعني مايحج الشخص إلا بتصريح وبعد هذي الحجه يقعد 5 سنين همين يحج .. لكن فيه البعض تخطو هالشئ وقدروا يتعدون هالتصريح ويحجون كل سنه لهم معارف يمشوونهم ويخلوونهم يحجون او شغّلو الواو .. وحتى الأجانب إذا جابو معهم لقاء بالتلفزيون يقول لي 12 حجه واللي يقول 20 حجه ويقولون كل سنه نجي ونلقى تغير كبيير ..!!!! وانحن نقوول كل سنه وش ذا الزحمه لا ويجووون شياااب وعجز كهوووول ويالله يتحركوون عشان يموتون بمكه والمشكله دولهم مانسقت معهم وسامحه لهم .. ولايعطوون غيرهم فرصه ...!!

وهذه بعد مع الاسف مشكلة صحيح التصاريح حدت منها لكن مازالت المشكلة قائمة ولو انها بصورة اقل من اول

انا اعرف ناس مايجوون الا يوم عرفة لان يوم عرفة لما يشوفونه محرم مااحد بيساله عن التصريح او عن امور ثانية لكن بعد لو فكروا هالاشخاص اوكي انت جاي تبغى الاجر لكن بتضيق على المسلمين وبعد اخذت اثم لانك مالتزمت بتعليمات ولي الامر

إقتباس 1* الإفتراش بالطرق والممرات .. وسد الطرق فيسببون زحام وعرقله في السير بسبب عفشهم وشنطهم ايضا منظر غير حضاري ويكون فيه انتشار للامراض .. 2* اصطحاب الأطفال في الحج .. الطفل يحتاج لعنا يه خاصه واهتمام والحاج المفروض يتفرّغ للعباده والإبتعاد عن اشياء تشغله في اداء الشعائر ويمكن الطفل يضيع او يصيبه مكرووه من الزحمه او يقوم بإزعاج الآخرين المفروض يضعه عند أقاربه لحين عودته .. 3* فيه ماشاء الله بعض الحجاج الأفارقه يمشون ويصقّعون اللي قدامهم هذا يعطونه كووع وهذا تحت رجلينهم ولاهمهم وكيف تعرفهم حسب ماسمعت يلبسوون فسفووري ويصيرون مجموعات وبنيتهم قووويه وجثلين .. لذا على كل حاج ان ينتبه ويجعل امامه عشر امتار بعيد عنهم خوفا من تلقي اللكمات .. من اعذر فقد انذر.. 4* الزحام عند الجمرات .. الكل يستعجل يبي يرمي عشان ينتهي بدري (ياحب الناس للعجله ) وشفتو العام الماضي وحوادث صارت قبل صارت حوادث مأساويه ومات الكثير بسبة الزحمه وصارو تحت الاقدام ( هذا اللي مخوّفني من الحــج ) وغير كذا يجيبون أحجار كبيره ويجبون جهدهم ويرّمون بقووه واخر شئ تصقع براس حاج ضعيّف يجيه صعروور ويبدأ الشتم والسب وفيه البعض يرّمون وأنتم بكرامه نعال وشباشب ويلّعنوون على ان هذا شيطان يعني اعتقادات خاطئه .. 5* طبعاً انا ماحجيت (ودي احج يارب تكتبها لي) بس سمعت من بنات حجوو قبلي ان فيه بنات يتزيّنن ويدهرن وهات يااستشوار وميك اب ولبس والوقت يرووح سوالف وقهاوي وفلة حجاج كانهم طالعين طلعه ..وبعد سمعت من اخواني ان فيه شباب فالينها بالحج بلووت وبلاي ستشين وغيرها من الألعاب .. فيكون وقتهم للعباده قليل والمفرووض يبذلوون كل جهدهم هذي فريضة العمر .. وغيرها من المظاهر الخاطئه واللي عنده زوود يقوولها لنا..

مع الاسف بعد هالمظاهر موجودة لكن اللي ودي اركز عليه سالفة الافتراش والجمرات

الافتراش ظاهرة تتكرر كل سنة ومع الاسف الى الان ماوجدت الحلول لها لابد نوجد حل جذري لها لان جزء كبير من مشاكل الحج سببها الرئيسي هالقضية

اما الجمرات بالفعل تدافع الحجاج فيها وعدم مراعاة كبير السن والصغير والنساء هذا ان دل على شىء فيدل على الجهل الكبير اللي مع الاسف عند كثير من المسلمين واننا الى الان ماصرنا على قلب واحد نخاف على بعض ونرحم بعض ( بعض التصرفات بالحج تدل بالفعل اننا مازلنا متخلفين جدا مع الاسف )

وان شاء الله عن قريب تحجين

إقتباس طبعاً البنت مفروض عليها الحج مثلها مثل أي شخص ثاني طبعا باكمال الشرووط ومنها وجوود المحرم .. وهنا السؤال ..................؟؟؟؟؟؟ حج البنت على من يقع على الوالد أم الزوج ...............؟؟؟ انا سمعت احد المشايخ يقول ان حجتها على ابووها طيب فرضا ابوها ماحججها يمكن مشغول او هو من النوع المسوّف وتزوجت وزوجها رفض يحججها ..... كيف تحج ......؟؟؟؟!!! يعني بكل اسف اعرف لكم وحده من قريباتي تزوجت وهي ماحجت ..لكن زوجها رافض انه يحججها عندها الان اولاد وكل سنه يقوول السنه اللي بعدها او يقوولها اذا حجت البقر على قروونها ....؟؟؟ طيب متى تحج او يقوولها ابوتس ليه ماحججتس ...طيب انت هالحين ولي أمرها ومسؤؤل عنها والله شئ يقهر ويبط الكبد ... نصيــحه يابنات حجوو مع أهلكم لانتس ماتضمنين زوجتس .... وش رايكم يابنات نحج حجه جماعيه ونجسّر بعض .

هو تبين الصدق الافضل ابوها يحججها

لكن اذا تزوجت وهي ماحجت المفروض زوجها يحججها وهذا واجب عليه لانه اصبح ولي امرها

إقتباس هل تحرصون على الحج ام انكم تسوّفوون ..؟؟

والله انا مع الاسف ماحجيت كنت ناوي هالسنة بس صارت ظروف اجبرتني اني اهون ( مايندرى وين الخيرة فيه )

إقتباس زووجتك ماحجت وانت قد حجيت هل بتحججها او لا..؟؟

اذا ماحجت اكيد باحججها هالشىء واجب علي

لكن الافضل انها تكون حاجة وجاهزة ( الله يرزقنا وحدة كذا ) ;)


كل الشكر لك يالسنعة على هالموضوع السنع