السلام عليكم ورحمه الله وبركاته تحيه معطره لزعماء نصف الكره الارضيه ملؤها الانتصارات والبطولات. ماأبي اطول عليكم يازعماء بس حبيت اذكركم بالفرق بين ماحدث بمباراه الهلال والنصر قبل 10 سنوات حينما الغي هدف صحيح للهلال ودخل صالح النعيمه على اثرها الى الملعب وبين ماحدث بمباراه الهلال والنصر الاخيره حينما دخلوا اصحاب البشوت الى الملعب وتهجموا على رجال الامن وحاولوا التهجم على الحكام على اثر الغاء هدف مشكوك لهم كما يزعمون الفرق هو كالتالي: 1-وجود الامير فيصل بن فهد رحمه الله قبل عشر سنوات واللي ماكان احد يتجرأ في فترته ان ينزل الى الملعب سواء عنده بشت ولا ماعنده
. 2-الشي اللي ساعد على حدوث هذه الفوضى هو مع احترامي الشديد هو عدم وجود شخص يسد فراغ الامير فيصل بن فهد اعني الامير سلطان بن فهد(القرارات عنده تنلغي بحبات الخشوم). 3-ان من نزل الى ارضيه الملعب هو شخص عادي قبل عشر سنوات وهو النعيمه يعني ماعنده بشت مو زي اللي صار بالمباراه الاخيره. ملاحظه صغيره: تلفظ جماهير الزعيم بالفاظ عاديه كانت عقوبتها نقل المباراه وتلفظ جمهور الفقراويه بالفاظ متخلفه (كلمه الكاف) ورمي العقل والنعل الله يكرمكم على الحكام عقوبتها متساويه.أي نظام متخلف هذا ؟؟؟؟
اشكركم يازعماء على المرور واتمنى اني وفقت في كتابه هالموضوع بالصوره الصحيحه.
محبكم المخلص
هلالي جامعه البترول
