السلام عليكم ورحمه الله وبركاته
اول شي اخواني الزعماء مايحتاج ابارك لكم لانه راجعت نفسي قلت اباركم لكم على ايش؟
يعني الهلال فاز على النصر <<<<<<<<< قلي وش جديدك
وانا متاكد لو فزنا على ارطاوي الرقاص انا اول واحد راح يبارك لانه فريق لايقارن
بامكانيات فريق (دخل المحدود) 
المهم ندخل في الموضوع انا طالب في الولايات المتحدة الامريكيه وهذي اول مشاركاتي في المنتدى ولاكني من اشد المتابعين لشبكه الزعيم يومييييييييييين.
عاد شوفوا القرادة يوم الاحد والكل عارف انه اجازة هنا (يعني انبسط ياعم المبارة وبتشوفها) وازيدكم من الشعر بيت كان اخر يوم دوام الي هو يوم الجمعه(يعني ومعطل بعد) عشان الكرسمس. المهم ياشباب المعهد عدنا بعد كل مستوى تخلصه يعطيك الاختبار المشهور (التوفل) هذا الاختبار لازم تعديه عشان تدخل الجامعه
عاد المعهد شوفوا متى حط الامتحان حطه يوم الاحد و يوم الثلاثاء المهم انا قريت الاعلان متاخر وببدون تردد رحت ابحطه يوم الثلاثاء......... ورحت...وليتني مارحت
قالوا لي مالك الى يوم الاحد قلت ليش؟ قالوا:يوم الثلاثاء اكتفينى طلاب ماعاد فيه مكان ليوم الثلاثاء مالك الى الاحد.
قلت: طيب متى راح يبداء الاختبار. قالوا:10 الصبح (فرق التوقيت 9 ساعات)
يعني الساعه بتكون في السعوديه 7 والاختبار مدته 3 ساعات (يعني مافيه شوفه مبارة)
المهم راودني ابليس اني اطنش الاختبار وهذا الي صار قلت لعيون الهلال تكرم مدينه.
المهم ذاك اليوم كنت مسخن تخبرون البرد نافضنا هنا و ابد كانت صخونه عاديه يعني ماغير زكام وكحه.
فاقررت اني اروح مستشفى موب عشاني صخونتي عشان هلاليتي .
فارحت للمستشفى وانا اتميرض زود المهم المستشفى حتى ماقبل التأمين الصحي حقي. فقالوا: نق نق (يعني ادفع)
انا ماكنت ولا راح افكر في الفلوس افكر بس هل ابشوف الهلال اليوم ولا لا والله وادفع
المهم وخلصت وخذت الزبدة الي ابغاها الي هي العذر الصحي وبعدها يا طويلين العمر وانا اروح البيت وافتح الانترنت واتفرج على المبارة
والحمد لله اليوم رحت لهم وقبلوا العذر وقالوا تجي تختبر يوم الجمعه بس لازم تدفع 75 دولار رسوم اختبار وعاد ياشباب ابي واحد يكلم محمد بن فيصل يسددها عني (ويصرف لي مكافاة فوز مع اللعيبه و ذكروه تراء عقدي بينتهي الموسم هذا لازم يفوضوني من الحين لان البلوي قاعد (يوطوط) حولي.
فاالمهم ياشباب انا دمي ازرق وعلى فكرة من يذكر تفاريز يوم انه يقول ان دمه صار ازرق تراء الرجال انا متبرع له دم (ماتشوفونه صاير صخرة)
فالاتلموني اذا سويت اي شي لاني مااقدر اسيطر على نفسي الي يسيطر علي (كريات الدم الزرقاء) واعدكم بجديد في القريب العاجل
وتقبلـــــــــــــــوا تحياتــــــــــي
