هلا اختي نجمة الابداع

أبتكلم بالعاميه لانها الاقرب للنفس ، واشوف الموضوع من زاويتي

إقتباس عثر في النمسا عام 1929م على قصاصة صحفية تقول: وقف طفل صغير أمام والدته يرتعش من شدة البرد في أحد أيام الشتاء وسألها ببراءة لماذا لا تدفئين المنزل يا أمي؟ قالت الأم لأنه لا يوجد فحم في المنزل يا ولدي فسألها لماذا لا يوجد فحم في المنزل؟ قالت الأم لأن والدك متعطل عن العمل وعاد الأبن يسأل ولماذا أبي متعطل عن العمل قالت الأم لأنه يوجد فحم كثير بالأسواق يا ولدي.

جاز لي هالمدخل، وان كانت أم الطفل حددت المشكله بجوابها الاخير من واقع مجتمعهم ..

فان الام السعوديه راح تقول ومن واقع مجتمعنا : لأنه يوجد حطب كثير بالاسواق ياولدي لكن بدري على ابوك يطوله..

واللبيب بالاشارة يبخصُ

إقتباس ~ وراثة أم ماذا ؟

بعد جازت لي وراثة واختصرت علي مشوار كبير

السؤال البسيط وش معنى أن 40% من الشباب السعودي العاطل يرثون البطالة عن آبائهم؟؟

هل العيب فيهم؟ أو في آبائهم؟؟ أو في عقلياتهم ومحدودية تفكيرهم؟؟

الاجابة من عندي أن المشكلة( على الاغلب) في من هم؟ من أين ينحدرون؟ ومن يقف ورائهم

ترى أنا ما أبالغ هذا هو الواقع، وابحثوا عن العامل المشترك بين من ورثوا البطالة

أما البطالة عموما فهي مشكلة في كل بلدان العالم، والدولة الافضل هي اللي تقدر تخفض نسبة البطالة عندها

المشلكلة في السعودية أن البطاله عندنا ولدت قبل وقتها بكثيـــــــــــــــــر وتطورت ونمت بشكل لا يصدق


مثال صغيـــــــــــــــــــــر و لااحد يروح معه بعيد:

اذا أنا عندي 50 مليون ووخصصت منها مليون لأبنائي وعندي عشر عيال( عيال يعني ابناء ، وابناء يعني أنا أتحمل مسؤوليتهم ) كل واحد منهم مع شهادة مختلفة عن الثاني في الدرجة وبعضهم ما معه شهاده ..

اذا وزعت المليون عليهم، و كل واحد ياخذ على حسب درجته العلميه، كلهم راح يعيشون وكلهم يبي يرضون

لكن اذا أنا عطيت أعلاهم درجة المليون كله وقلت له خذ نصيبك ووزع الباقي على اخوانك، وش اللي يبي يصير؟؟

برضه هنا ابوقف واللبيب بالاشارة يبخصُ.

وعموماً (( المليون ريال = المليون وظيفة ))واللي مهوب مصدق يسأل أي واحد من موظفين الدولة

لا أحد يقلل من السطر اللي ابكتب به بعد شوي

راحت مخافة الله ، وضاعت الامانة ، وبعدها ضااااااع نص شعبنا ان ما كان أكثر من النص:sad:

الامكانات موجوده و الوظائف موجوده والحال ميسور لكن وين اللي يتذكرون بأنهم محاسبين قدام رب العالمين عن كل صغير وكبيره..

الله يصلح الحال ويكتب اللي فيه خير، ويجبر بخاطر كل أم ذرفت دمعتها على حال أبنائها..


شكرا لك والله يعطيك العافيه،،
موضوع مهم أخرجتيه لنا بتسلسل رائع والاهم عندي أن بدايته أجبرتني على اكماله.