أحب أن أشارك بهذه الابيات التي كتبتها
على نفس وزن و قافية
الكلاسيكي
و
حبي تيماوي
و لكن الفكرة مختلفة أتمنى تنال أعجابكم
أرحل مدام الوضع ما عاد يرضيك
أرحل و لك مني أرق التحايا
كنت أعشقك و أهواك من دون تشكيك
و كنت أكتب أسمك فوق كل المرايا
من كثر ما أحبك و أقدرك و أغليك
أشوف طيفك في جميع الزوايا
أخطيت في حقي و ربي يجازيك
و سويت فيني من جميع السوايا
ما قلت جازيني على قد ما أعطيك
أبيك بس تحس طعم الخطايا
قتلت عصفور الغلا بين أياديك
و أسقيت ورد الحب مر المنايا
آسف حبيبي قلتها اليوم مآبيك
من بعد موت الحب بين الحنايا
أنسان عابر في حياتي و ناسيك
ما عاد باقي من غلاتك بقايا
يا قلب لو ما شفت شخص يعزيك
قتلت نفسي و أحسن الله عزايا
و شكراً