20/11/2006, 02:15 AM
|
| زعيــم مميــز | | تاريخ التسجيل: 01/01/2005
مشاركات: 2,439
| |
|
أسماء المطر..
بسم الله الرحمن الرحيم
تحية شتوية بريحة المطر والبرد ( بفتح الباء والراء)
<<<<<<<<مسوية نفسها شاعرية.. وهي من جنبها
وشلونكم يازعماء .. ويازعيمات بعد البروق والرعود اللي جتنا من لجنة الإنظباط
بس والله ماقصر ابو سلطان .. بعدي والله.. اعطاهم صاعقه على كيف كيفكم
عاد هذي مقدمة كتبتها بس عشان اعلمكم بااسماء المطر .. الا على الطاري كيف
البرد؟ دخل عندكم؟ .. انا اطقطق على الكيبورد وعظامي معي طقطق من زود البرد
هذا وهو على أوله .. الله المستعان..
ايه افتكرت بعلمكم باسماء المطر بس الأول بشروني عسى جاكم مطر وعينتوا من
الله خير .. حنا باقي ماجانا والله يعين أهل جدة لاجاهم .. بيروحون فيها ..خخخخخ
عاد ماحكيكم .. لاجا المطر وناسة اطلع السطح أنا وورعان أخوي بمساحاتنا وهات يامسح
والمطر علينا وحنا نمسح والمطر ينزل .. يازينهم هالورعان .. يحبون المطر ..
والناس .. يتسمونباأسماء عندكم مثلا مطر بالله مو حلو.. والله يجنن
<<<<<<اخلصي عطيناالأسماء ..
ابشروا باعطيكم اياها واعطيكم بعد معانيها ..وفيه اسم من اسماء المطر يعجبني بقولكم بعد مااكتبها عليه
وهذي الأسماء
:
حَبُّ المُزن وحبُّ الغَمَام : البَرَد
الحَيا : الذي يُحيي الأرض بعد موتها
الدِّيمة : المطر الذي يدوم أياماً في سكون بلا رعد وبرق
الرَّذاذ : السَّاكن الصَّغير القطر كالغبار
الرَّشّ والطَّشّ : أول المطر
الطَّلُّ : أخفُّ المطر وأضعفه
العُباب : المطر الكثير
الغَيْث : الذي يأتي عند الحاجة إليه
الحميم : المطر الصيفي العظيم القطر والشديد الوقع
المُزْنَة : المطْرة
النَّضْح والبَغْش والدَّثُ والرَّكّ والرِّهْمَة : أقوى من الرذاذ
الهَطْل والتهْتَان : المطر الغزير السُّقوط
الوابِل والصَّنْدِيْد والجَوْد : المطر الضَّخم القطر الشَّديد الوقع
الوَدْق : المطر المستمر
الوليّ : المطر بعد المطر
عاد الاسم اللي يعجبني هتان
على فكرة كمان الدعوة مستجابة في المطر
<<<<<<<<<بس سويتي موسوعة عن المطر
خلاص .. آخر شي .. القفلة
اللهم صلي وسلم على سيدنا محمد وعلى آله وصحبه وسلم عدد قطرات المطر  |
