نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الفيروسه الزرقاء · #40 14/11/2006, 10:26 PM

هلا بـ هلاليه سنعه

إقتباس


	لحد يقرا الموضوع الا ماخذ فنجال ومتقهــوي ولا ترا ابزعل مايصيرتسيّرون ولاتقهوون

لأ تسلمين خيرتس سابقتس

، الحمدلله تقهويت المغرب مع خالاتي "حريم خوالي "

.. يـ كثر جمعاتهم هـ الحريم

--->> اجتماع مافيه بنات وجايه لأنه فـ وسط اسبوع

.

إقتباس


	طريــقة إعــداد القهـــوه ..

إيه الله يعافيتس علميني وشولون اسويها

، أعرف للموكا والكابتشينو وفرابنشينو وقهوة تركيه ولا اعرف شلون اسوي قهوة عادية

..

إقتباس


	المقادير : قهوه محمووسه ومطحونه + ماء حار + بريق قهوه + زعفران +هيل الطريقه : نجيب بريق القهوه ونحط فيه مويه مغليه همين تحطوون كم فنجال قهوه على حسب الكميه وعلى حسب البريق وحطو شووي زعفران وخلوو القهووه تغلي (تفووح) واقصروو لها شووي تقريبا ربع او ثلث ساعه همين جيبو الترمس (زمزمية القهوه) وحطو فيها ملعقة هيل مطحون وشووي زعفران وصبو القهوه فيها .. وبالهناء والعافيه مطرح مايسري يمري..

هي سهلة لكن العجز يصعبها

..
الله لايحرمني بس من اهلي

، مااعرف اصلح القهوة ولا اشتهيها الا بـ الجمعات + لازم يصير فيه حلى وإلا أشرب من دون مـ أكل مـ أعرف

.. واحياناً والله مااشتهيها بـ الجمعات نطلع برا ونجيب لنا ونرجع ---->> إستحاله تروح لـ إستراحه وتجلس فيها لين الليل لازم تطلع منها وتهجول

المصيبه صار أسمي مرتبط بـ القهوه الغربية ، زي مثلاً إذا ركبت مع واحد من خوالي قالي هاه نشتري لك كافيه لاتيه

، معروفه بـ الإدمان

عاد من كثر مـ اشرب قهوه ماصارت تأثر فيني

يعني ايزي اشرب لك كابتشينو وأنام

..

إقتباس


	2- فيه احد ييضف عليها الزعفران والهيل << هذا حنا وفيه اكيد غيرنا ياسلام على ريحة الهيل

يب لازم زعفران وهيل

إقتباس


	3- وفيه احد يضيف مع الزعفران والهيل المسمار <<مهوب الحديد المسمار اللي هو (القرنفل )ويكون مطحون ..

ياشينهم

زي مره رايحين نسلم ع خال أمي ورايحه انا مع خالاتي وامي ، قلت وش اسوي بـ الحالي بجي معكم

--->> دائما تحشر نفسها بينهم

.
المهم رحنا وسلمنا عليه ودخلنا بـ مجلسه وجابوا القهوة ، عطوني الفنجال وشربت ولاشعورياً قمت ورجعت الفنجال وحطيته ع الطاولة

قال خال امي وراه قهوتنا ماجازت لك ،امي قامت ترقع لي تعرف بنات هـ الجيل مايشربون قهوتنا ، ولو تشوفين امي وخالاتي والله ماشربوها

.. اهلي مايحبون قهوة بـ المسمار

يـ اختي ريحتها شينه وقوية

إقتباس


	1.. القهوه العاديه (البن ) 2.. قهوة قشور القهوه 3.. قهوة الشعير <<زينه للي فيهم سكر

ايه هـ القهوة نكبتني

، اتذكر فـ رمضان جالسين ع السفره بـ الاستراحه ننتظر يأذن ونفطر

، قدامي ترامس القهوة ، اخذت الترمس الصغير وصبيته لـ جدتي " متعوده دائما شي صغير حافظه صغيره ترمس صغير لـ أمي

" واشم الريحه شينه وعطيت بنت خالي تعطي جدتي قالت تبين جدتي تكبها عليك

، قلت خير موب انا مسويتها

بس صبيتها قالت يالخبله ذي شعير وجدتي ماتشربها بعدين هـ الترمس لـ امي

من جد تفشلت

واشوى اني ماعطيتها جدتي والا كان تنكدت فـ ذاك اليوم

إقتباس


	ايضا في الكشتات البريه وفي مناسبات قله .. واستغني عن الدله واستبدلت بالترامس او حافظات القهوه والشاي (زمزميه ) وذلك حتى تحفظ الحراره وتبقى مدة اطول .. وايضا اشكالها متعدده ومختلفه تلبي كافة الأذواق ..

صااادقه أحنا ماعد نستخدم دله

كلها ترامس وزمزميات حتى للشاي

..

إقتباس


	انا مثلاً.. يوم اني بالثانوي كانت القهوه عقدتي اذا قالو فيه عزيمه زملت وضاق صدري تخبرون اوول كننا نخاف من صب القهووه يمكن تنكب ولا شئ ولا نكثر ولا نقلل ماعرفنا لهم لكن الحين اشوى زارتنا ام جيراننا اول مره وكانت من الشمال وصبيت لها قهووه وتجيكم اختكم في الله وتملى الفنجال ملي <<< يقالها كريمه ..

يوووووووووووه يـ شينها ، يـ أختي أكره نفسي لـ قالوا صبي القهوة

إذا صبيت ليتهم يسكتون ولا يعلقون لا يجلسون يعلقون

، زي دائما لا شعورياً امسك لك الزمزميه بـ اليد اليمنى والفنجال بـ اليد اليسار واعطيهم بيدي اليسار

، تعالي شوفي المسخره ع وإلا يقولون لا ترجين القهوة

طيب شلون مـ أرجها ترمسكم كمخه كبير

.. من جد بهذله

..
مشكلتك نفس مشكلتي أحب أملي الفنجال

إقتباس


	3- -أن تقول لمن تقدم له الفنجال تقهو أو سم أو تفضل أو خذ

شوفي ماقد صبيت لأحد غريب

" الحمدلله " إن صبيت فـ تلقيني صابه لـ جدتي وإلا وحده من حريم خوالي وإلا خوالي ، اما خالاتي وبنات خالي الله لايهينهم احط قدامهم الترمس واقول كل وحده تصب لـ عمرها فاضيه لهم

وطبعاً اللي اصب لهم مـ اقول لهم سم وإلا خذ

، تفضل والا امد الفنجال وانا ابربر

---->> اكثر شي تسويها الاخيره

.

إقتباس


	5- حمل الفناجيل باليد

شلون اشيل كل الفناجيل بيد وحده ! علشان تتكسر الله لايحرمنا بس من الطاولة

إقتباس


	7- أن تبدأ بمن في صدر المجلس 8- أن لا يصب القهوة أحد الضيوف 9- أن لا يصب القهوة الأب والابن موجود 10- أن لا يصب القهوة الأخ الأكبر في وجود أصغر منه سناً من أخوته - 11- أن لا يصب القهوة الكبير في وجود من هو أصغر منه سناً 12- أن لا يبدأ بصب القهوة من اليسار - 13- ان تبدأ باليمين

هذي شكلها نصائح للي عندهم مناسبة وإلا ضيوف غرباء

، الحمدلله فـ هالحاله مانعرف نصب القهوه لا أنا ولا بنات خالي

الله يعافي الصبابات موجودات

إقتباس


	هل تتوقعون ان القهوات الغربيه سحبت البساط من القهوه العربيه عندالجيل الجديد ..؟؟ وهل ستظل القهوه العربيه شامخه وباقيه في الاجيال القادمه..؟؟

لأ ، القهوة العربيه لها مكانتا

وحلاتها المغرب مع الأهل + حلى

، اما تشربينها لـ حالك مالها طعم

..

إقتباس


	ادري طولت عليكم العذر والسموحه منكم .. بس انا علمتكم من البدايه قلت تقهوو وانتم تقروون اللي يعد كم تكررت كلمة قهوه بالمووضوع له دلة قهوه مع صحن برحي ..؟؟<<مضروبه على راسها برحي هالوقت .. عاد احس اني ظلمت الشاهي رفيق القهووه ولاجبته بالطاري ولا شئ اخاف يشره ولا شي..

لأ ماطولتي إلا وسعتي صدري

يسلمو خيتو هلاليه ع هـ الموضوع السنع

.

الفيروسه الزرقاء