بسم الله الرحمن الرحيم

أنا حالف إني ارفع ظغطكم في مواضيع الزواج بس المره هاذي غير طبعا هاذي قصة سمعتها ولا أدري عن مصداقيتها وهي قصة طريفه ولزيزه آمل أن تنال إعجابكم


محمد كان من أعز وأحب الأصدقاء لصالح المهم صالح اتصل على محمد وقال له .

صالح : الووو محمد وينك قريب أو بعيد
محمد : هلا بصالح الدب لا أنا قريب
صالح : تخاويني خالي يبي يجي من أمريكا اليوم وبجيبه من المطار .
محمد : خلاص .

وراحو للمطار وهم على الطريق يسولف صويلح لمحمد تصدق خالي ماعرف شكله راح من زمان لأمريكا وعمري وقتها 14 سنه وجلس هناك اثنا عشر سنة ماعرفه أبد الا عن طريق التلفون نسيت شكله .

محمد : يارجال نجيب معنا كرتون تايد ونشققه من فوق وتحت نكتب عليه اسم خالك اذا شاف الكرتون يبي يعرفنا .

وصلوا للمطار وجابو خالهم وهم راجعين صالح يقول لمحمد محمد ماراح اوصلك لبيتكم تبي تقلط عندنا . وافق محمد

وصلوا البيت وكان البيت له مدخلين الأول على المجلس على طول والثاني يوصلك لداخل البيت بدون ماتمر على المجلس .

دخل محمد مع الباب اللي على المجلس على طول وصالح أخذ خاله مع الباب الثاني عشان يشوف اخته ويسلم عليها .. .. ويسلم على عيال اخته وبناتها .

،،،، حنان ،،،،،،
حنان اخت صالح وعمرها يوم يسافر خاله ثمان سنوات وكانت تحبه ومتعلقه فيه وكان وهو في امريكا يكلمها

حنان جرئيه جدا مع اللي يقربون لها وش صار على حنان . .....

حنان عرفت إن خالها راح يوصل وصالح قبل مايوصلون للبيت علم حنان انهم قربوا للبيت عشان تجهز الشاي والقهوه . حنان عمرها اللحين عشرين سنة وماتعرف شكل خالها زين بس واثقه انه ماراح احد يجي الا خالها حنان تبي تسوي مفاجئة لخالها .

استخبت ورى الباب حق المجلس . تنتظر خالها يدخل . .. وش صار ...؟

محمد : دخل المجلس وهو يكلم نفسه بسم الله اي والله امريكا انا على بالي اللي يروح لامريكا يرجع شعره اشقر وهو يكلم نفسه طلعت حنان بوجه وضمته بقوووه وقالت الحمدلله على سلامتك ياخالي العزيز .

محمد صار وجه طماطه مثل طماط الخرج . قال محمد بس يابنت عيب أنا موب خالك . حنان وش فيك خال نسيت شكلي أنا حنونه .

محمد : من الروعه أي حنونه أنا ماعرفك بعدين خالك داخل في الببيت يسلم على أهلك موب أنا خالك .

حنان : الله يقطع سوالفك ياخال يعني تبي تسوي فيني مقلب عشاني روعتك يوم طلعت لك من ورى الباب . تعال تعال اجلس وقول لي وشلون شكل أمريكا ووشلون " عاد تعرفون أسئلة البنات ماتخلص "

دخل صالح المجلس مع خاله ولقى حنان مجننه في محمد صالح . عيب يابنت يالله ادخلي البيت .

حنان انصدمت وماتوقعت انه فعلا مش خالها وصار وجهها أحمر وجلست تبكي ودخلت

صالح : العذر والسموحه منك يامحمد صار في غلط في الموضوع .

محمد : بكل جراء اعتبرها النظره الشرعية ويازينها من نظرة وتراي خطبتها وتم الزواج بينهم .

ـــــ انتهت القصة ــــ