قـــــــــــــمـــــــر !!! السلام عليكم ورحمة الله و بركاته كل عام و أنتم بخير عاشق الدمعة و موال السهر
في غيابك صار له شي كثير
ساحر الحرف أنتهى فيه السحر
خانه الموقف و تحديد المصير
كيف أعيش بدنيتي بين البشر
فاقد البسمة و محروم العشير
من رحلتي عن عيوني يا قمر
و أنا عايش بينهم مثل الأسير
طالت الغيبة و طولتي السفر
يا هوى قلبي عساك أنتي بخير
أنتظاري طال و العيشة قهر
و المنية جات و الموقف خطير
يا متى بألقاك يتهنى النظر
و الهموم اللي على قلبي تطير قالت :
ثاني ثاني
عيدها
هذي أحلى ما سمعت
هذي أفضل ما جمعت
هذي اللي كنت أبيها من زمن و أريدهااااااا
أنت ما تفهم ؟؟ !!!!
أقول لك عيدهااااااااا و قمت من نومي و أنا مفزوع خايف
طيفها سير على قلبي
و جا ماشي
و أخذها بيدهاااااا
رحت أغسل وجهي و قلبي يردد عيدهااااا
قلت يا قلبي خلاص أسكت
تراك أزعجتني
خاطرة مرت بنومي و أرحلت
وشلون يا شاطر تريد أعيدهااااااا
قال :
صدق ما تفهم ؟؟
أقول لك عيدهااااا
يعني يا قلبووووه
اليوم هذا عيدها ما توقعتك بيوم تصير قاسي
بأعذرك و أقول ناسي
قوم بسم الله عليك
اليوم عيد
منت واعدها بتهديها غلا و أحساس
أغلى من ذهب أحمر نقي و ألماس
و ألا صارت بدنياك عادي
مثل باقي الناس و في المسا
زرتها بنفسي
و لكن زرتها في نومها
زرت موطن فكرها و أحساسها و جروحها و همومها
بعد شفت ظنونها
ما ألومها هي تقول عن نفسها :
أرى فيما يرى النايم
زارني أحساس هايم
آآآآآ هـ
ليت يزورني في النوم دايم
شفت أنهار و جنان
شفت شلال و نجوم
و فرس
(( لا من ورا ظهري و لا يمشون قدامي حرس ))
شفت ناس
و أنت واقف بينهم
كنت تشبه
ممممممممممممم
كنت تشبه
و الله مدري ويش أقول
كنت في منظر محير للعقول
كنت في لحظة خذتني للذهول
زي منت ألحين أشوفك
الطيب الفذ الخجول
تصدق
في منامي صرت أكتب شعر و آنا ماني شاعرة
أذكر أني قلت :
أحب ياسر حب نفسي لنفسي
أحب ياسر و المحبة قوية
شفت حولك ناس أعرفهم كثير
و أنت واقف بينهم مثل الأمير
ليتنا في واقع الأيام غير
آآآآهـ
يا زين الحلم
و الله أني واقفة جنبك و أحس أني بأطير
بعدها راحوا جميع الناس عنك و جيتني
أيه جيتني
شفتك تسير
فوق ورد أحمر و ريحان و عبير
ما أحتملت أكثر
و قمت أركض و أجيك
و أنا من شوقي عليك
ودي أسبق نظرتي
و أجيك و آآآآقبل يديك
و ألتقينا ........
و الأمل عانق يدينا ....
(( نفسي أحكي وش حصل .. بس أخاف أن البشر تضحك علينا ))
أذكر أنك قلت فيني :
على ذكرى زمان الوهم و أسباب القسى و اللين
قضيت البارحة وقتي مع صفحات مطوية
أسامر جرحي الدامي و أعاتب في الغرام سنين
قضيت أيامها راعي شموخ و عزتي فيه
و لا هدتني الدنيا و لا حرك شعوري زين
و لا صدقت وجداني يعيش أحلام وردية
و جيتي بعد عمر فات و وقت من زماني شين
و جيتي بالغلا و الحب يا أحلى نفس مرضية
و خليتي الفرح يمشي معك من وين ما تمشين
و خليتي الحياة سيرة و قصة حب محكية
أحبك كثر أحلامك و أحبك كثر ما توفين
أحبك كثر ما تقسى القلوب و تخلف النية
أحبك كثر ما تبكي من أسباب الغرام العين
و أحبك كثر ما تبقى رموش العين مرخية تصدَق قمت أغنيها
و أرقص
و أنت تضحك
و تقول
ثاني ثاني
عيدي
صرت تصرخ بأبتسامة
تقول : عيدي و قمت من نومي و أنا فرحانة و أحساسي جميل
و روحت أغسل وجهي
و قلبي يناديني
يقول : عيدي
قلت : وش عيدي
خاطرة مرت بنومي و أرحلت
كيف يا شاطر تقول عيدي
قال : صدق أنك ما تفهمين
أنتي ناسية
اليوم عيدك و في المسا
ألتقينا
بس
هالمرة ألتقينا في الحقيقة
آآآآهـ
كم لضحكات البراءة
من معاني تشرح الخاطر
و تنهي كل ضيقة
هذا يحكي مع صديقه
و العيد يتزايد بريقه
النسيم العذب و الما
و الورود الحمر
و زهور الحديقة
و الشجر
مثل ذيك اللي لقتها في المنام (( أغلى قمر ))
كان أجمل عيد بين الناس عيدي
و كان أحلى من البراءة عيدها اللقا
يقضي على كل الجروح
و المآسي و الشقا
و من فقد صدق المشاعر
في حياته
وش لقا و شكراً
اخر تعديل كان بواسطة » الهلالي الثقفي في يوم » 02/11/2006 عند الساعة » 08:34 AM |