27/10/2006, 11:04 PM
|
| عضو سابق في اللجنه الإعلامية | | تاريخ التسجيل: 21/04/2003 المكان: في كل مكان
مشاركات: 1,222
| |
وعليكم السلام ورحمة الله وبركاته ... كل عام وانتم بخير وعيدكم مبارك بعد الزحمه  :::::::::::::....................::::::::::::::::::::: الحين ابتكلم عن عيدنا صحيح ان ردي متاخر بس وش اسوي امس واصل للرياض اخر افطار في الرمضان ::: وكنت في الديره انا قمت قبل الاذان بدقايق وقمت افطرت واكان عندنا عمي توه جاي من الرياض وافطرت وصليت المغرب ورجعت اكمل الفطور ثم سواليف وتقهوينا وشربنا الشاهي ثم رحنا نصلي العشاء وبعد صلاة العشاء بدا العيد والدوران طلعت من البيت بعد العشاء وادق على ولد عمتي محمد واكلمه واقول له اطلع ابمرك ويطلع ونقعد نسولف بالسياره ودوران في الديره ثم رحنا للسوق وشرينا حلاو وشي نشربه ومريت السوق وشيرت بعض الاغراض ورجعت للديره ونشطف العيال ونلقاهم يلعبون كوره وقعدنا عندهم شوي ثم تفرقنا والتقينا بعد ساعه او ساعه ونص ثم بدت الحفله (حفلة العيد) او كما تسمى الحرب العالميه انواع القنابل والمتفجرات والالعاب الناريه الى اذان الفجر يعني العيال بدو بالتفجير بعد ماخلصو لعب كوره يعني الشياب المساكين مارقدو ذيك الليله يوم جت الساعه 3 ونص وارجع الى البيت وادخل بيتانا كني راجع من حرب فيتنام يديني فضيه فيها بارود المهم تجهزت للعيد وقعدت بالبيت شوي ثم رحت اصلي الفجر يوم رجعت واتقهوى ثم البس ثوبي والشماغ استعداد لصلاة العيد رحت صليت وجعت وقعدت عند الباب شوي عشان اخذ الفطور ونروح نقعد عند بيت خالي ( كل واحد يطلع عيده) وافطرانا وتقهوينا على اصوات القنابل والمتفجرات ثم يوم خلصنا رحت وخذت موتري ودوران الى الساعه 10 ورحت ارقد بعد عناء يوم كااامل هذا تقريبا يوم العيد وليلته وسلام :::::::::........................:::::::::::: كان والله ودي احط صور من اللي صورته ومقاطع فيديو بس ان شاء الله يا في رد جاي الى ان ارفعها ولا السنه الجايه وكل عام وانتم بخير وترا بكره دوام ودراسه واسف على الاطاله واشكر الجميع وعلى راسهم كاتبة الموضوع الهنوووف وانا الحين ابروح ادور على الردود :p ســــــــلامـ
 |
