|
صـــــــاحبة المجـــد الهـــــــلالي وأوبريت العـــيد!!!
 بسم الله الرحمن الرحيم
ياهلا وسهلا بالأعضاء كلن بيوزره 
انتم مثلي ضايقه صدوركم رمضان مابقى عليه الا كم يوم ويقضي 
اقووول اخلصي من اولها احزان
ابقولكم وش حصل في يومي 
أنا والعياذ من كلمة أنا كنت من بعد الساعه 12 مجتمعه مع بنات عمتي وعمي
نتباحث في مسابقات العيد وكلن يدلي بدلوه
اللي يقول ملعب صابوني واللي يقول نقول للحريم يسوون اوبريت ونضحك عليهم وهم يغنوون استغفر الله اغاني  قصدي ينشدون
كل وحده منا قامت تجيب فكره وجمعنا الافكار في الاخير ولا فكره حطيناها
المهم وحنا قاعدين نسولف ولا الامام يكبّر لصلاة القيام
قمنا اخذنا بعضنا ورحنا نصلي وبعد الصلاة تفرقنا كل وحده راحت بيتها
وحنا نتسحر لاحظت ملاحظه قوويه ان السلطه مافيها خيار والسلطه اللي مافيها خيار كنها سياره من دون بنزين >>>>>>>> لاعمرتس تشبهين
طبعاً شكيت الوضع وقلت مايصير فيه سلطه من دون خيار هذي جريمة في عالم السلطات 
تسحرت بعدين رحت وقريت قر’ن الين يذن الفجر 
صليت الفجر الحمد لله وبعدها قعدت انا واختي نتجاذب اطراف واوساط الحديث
واخيراً نمت قمت طبعاً على ازعاج واحد من اخواني الصغار
قمت صليت ودخلت المطبخ لان الوقت كان العصر
طبعا انا اختصاصي فيمتووو
بعدها أفطرنا ورحت طبعاً أشوف أولاد الشوارع
نجي للمهم بصراحه من شد ما اسمع عن الشيخ اللحيدان تحمست اروح له
قلت لأخوي يوديني قال يمدحون مسجدنا وين اوديتس بهالزحماات
صليت التراويح في مسجدنا بعدها الله يعظم أجرنا رحنا نكمل اغراض العيد
وفيه وحده من بنات عمتي مالقت لها للحين لبس للعيد تقول ان السوق دمار شامل
ورجعت من السوق اكلت لي شي يقويني للصلاة
بعدها صليت ورجعت وتسحرت وكتبت لكم يومياتي
وبصراحه أشكر سندريلا لدعوتها لي والله لا يحرمني منها
وان شاء الله اكون وسعت صدوركم
ــــــــــــــــــــــــــــــــ
الله يعطيك العافية صاحبة المجد الهلالي وان شاء الله ربي يكتب لك صلاة مع اللحيدان
وتتواصل يوميات الاعضاء بتواصل اعضائنا وغداً موعدكم مع أسيرة الزعيم
 | 