| تخطي عليّ... واستسمحك... واترجاك
ضعفي هواك...وفطنتك ما تخونك
المشكل اني كل...ما جيت ابنساك
فكرت نفسي كيف ...ترتاح دونك
وما اظن لا هذا ... ولا ذا... ولا ذاك
واللي سمعت بذكره... يعوضونك
تدري اني اعشق فيك شامل سجاياك
زينك وشينك... في قساك وليونك
واني متيم في محاسن محياك
وتعرف عليّ وشلون...سلطة عيونك
تامر عليّ من موقها الموت...هذاك
واطاوع امره قبل ترمش...جفونك
رديت قلبي عنك لا شك...هو جاك
وجيتك معه راضي بمقبل طعونك
ارجع واقول.. اهواك.. واهواك واهواك
وبكفيك اتعذب... ولكن بهونك | 