نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

المنتدى الاستشاري · #1 30/09/2006, 04:28 AM

--------------------------------

الله حيهم .. من عقب الـ 12 صباحاً يوم الجمعة ابسرد لكم وش صار لي من مواقف وعبر

صباح الجمعة يعني على الخميس الساعه 12 الليل كنت مجتمع عند عيال عمي في بيت عمي ..

وطبعاً النظام هناك تمام التمام

.. يعني اللي يلعب بلوت

، واللي يتصقع الدوري الياباني

، واللي مزعجنا بقناه جير ون

[ قناهـ سيارات ] .. واللي منسدح في آخر الملحق على النت :p ..

يعني الجو بشكل عام ذو طابع مختلف

..

المهم على هـ الـوضع الى الساعه ثلاث ونص ، والا نقمز كلنا نتسحر .. وشف عاد اوضاع الشباب في السحور

..
طبعاً محاتسيكم محافظ على لياقته وصحته فـتسحر على فاكهة وقليلاً من الماء :p

يالله لك الحمد ويكثر خير ابن العم

.. تسحرنا وابد بعد الصلاة كلن سرا لـ بيته ..

رجعت للبيت على بعد صلاة الفجر ، وادخل طبعاً على الزعيم واشوف الفيروسه مسويه زحمه بخصوص المجلة

<<<<< بينجلد

تكيت على الفوتوشوب والزعيم ، وشغل في هـ المجلة .. خبركم ان شاء الله الاحد بينزل العدد الجديد من المجلة وقاعدين نشتغل عليه ..

<<<<< دعـــايه للعدد

المهم ع الساعه 6 وربع ، قمزت لـ السرير وهي النومه الى 11 وخمس واربعين ..
قمت وصليت الجمعة في المسجد ، وبعدها رجعت لـ البيت وقريت الجرايد ومع الاهل الى آذن العصر ..

بعد الصلاة قيـلوله متأخرهـ

.. الى آذن المغرب ..

قمت قبل الآذن بـ دقيقتين ، وطبعاً مستحيل احد يقوموني قبل هـ الوقت لانه مسوي تحذريات بخصوص من يزعجني قبل الوقت المسموح

فطرنا وصلينا المغرب ، وبعد الصلاة تابعنا طاش 14 .. وشفنا المسكين اللي يبي اليسا وهيفاء وهبي

..

وبعد طاش .. شفنا ماكوهـ فكه .. واقلاع العيسى وبشير

ثمن صليت العشاء وقليل من التراويح .. وبعدها رجعت شوي على النت الى الساعه 10 .. ثمن طلعت لـ ولد عمي وشفت المبارهـ عندهـ .. على طاري المبارهـ والله يـ التايب بدع

ابد على الساعه 12 ونص سريت من عند ولد عمي .. ورجعت للبيت وجالس على النت نضبط شوي المجلة .. ونشتغل على كتابه البرنامج اليومي ..

رح اتكي على النت الى الساعه 4 .. ثمن موعد السحور ..
وبعد السحور نصلي .. ومن ثم نرقعد .. والله يعينا على نظام الجامعة بكرهـ

ابد وهذا برنامجي لـ يوم الجمعة ..

اعذرونا طولنا عليكم ،،

-------------------------------

ـــــــــــــــــــــــــــــــــــــــــ

الله يعطيك العافية معذبهم ويوميات رائعه كل يوم باءذن الله يوم مختصر لكن شامل لكل شيء

وتتواصل ابداعات يوميات الاعضاء وغداً باءذن الله موعدنا مع يوميات صدى الأمس