انا في الملعب.. والله بدون مبالغة ياشباب كل الجمهور اللي جنبي من يمين ويسار وقدامي ووراي كلنا رافعين يدينا ندعي نقول ياارب .. والله رافعين يدينا وندعي ونناظر من بين اصابعنا << خايفين ..

والله ماخيب دعانا .. جابها الذيب من النص .. من كورة ميتة ومدافعين الشباب كلهم راجعين .. ومنفقعة قلوبنا من الحلوة الله يوفقه ويستر عليه ويذكره بالخير ..يوم علقها الذيب يالبى قلبه..

رحت حضنت خويي اللي جنبي واضحك من الفرحة ولما شفت وجه خويي يضحك ويدمع (( يصيح )) واقول له يامنسم وش فيك تصيح ؟؟ شف دموعك .. ناظرني وقال لي وانت بعد تصيح << ماحسيت بنفسي واكملها صياح والعالم اللي جنبنا مافيه الا ضحك وصياح ودمووووع فرح .. الله يديمها علينا ويديم علينا الأفراح.