السلام عليكم

قبل ما تقرأ الموضوع لازم يكون عندك عقل منطقي يفكر بوعي بعيدا عن العاطفه , الكل يعرف ان سامي هو اهم لاعب مر على تاريخ الهلال بجوار يوسف الثنيان طبعا, وانا اشوف انه اهم لاعب بتشكيلة اللاعبين الهلال الحاليه ولكن هل تعتقدون ان الإجازه التي يتمتع فيها من بداية الموسم وما زال ينعم فيها منطقيه ومبرره , هل شاهدتم مثلا مالديني مع الميلان يأخذ كل هذا الوقت او باجيو عندما كان يلعب مع بريشيا او كوكو او ستام او كافو او ايالا والقائمه تطول وانا اتحدث عن لاعبين يفوقون سامي بالعمر ويلعبون باصعب البطولات .
الهلال خرج من البطوله الخليجيه وما زال سامي غائب ولعب جولتين من كأس فيصل بن فهد وسامي غائب ولعب جولتين بالدوري وما زال سامي غائب وسوف يغيب عن الجوله القادمه والمحصله فوزين على الخليج والمباراه الثانيه كان الخليج افضل منا بكثير , إذا كان سامي يعاني من إصابه او مشكله تجبره على الغياب فلا بد ان يوضح لنا واللي عنده خبر من الاعضاء يقول لنا لأني بصراحه حاولت القى مبرر لكن لا يوجد.
سامي على عيني وعلى راسي ولكن لازم يسمع النقد ويتقبله لأن الهلال بحاجه له بالذات بهذا الوقت و اتمنى ما يطول غيابه اكثر من كذا وأن يعود عودة قويه وتكون أفضل وأقوى نهايه لمسيرتة الكرويه.