....::::"قصيدة هجاء بخصوص اللباس العاري"::::...
بس يا أخوان أعتذر إنها نبطية بحته حتى فيه كلمات ربما ماتفهمونها ولكن وضعتها لأن فيها كلمات واضحه وأكيد تفهمونها::::::::وفي المرفقات موجودة على ملف وورد بتنسيقها الجميل::::
يا بنت بعد الستر صرتي تعّريـــــن * ولاهوب ذا فرض ولاهوب سنه
لاتلبسين الثوب علاق تكفيـــــــــــن * أمي وأمك قبلنا مالبسنـــــــــــــه
وكانك بتقليد الخواجة تباهيــــــــــن * وراك يوم الحشر نار وجنـــــــه
وإن كان ذي موضة تراكن مساكين * الكافرات لباسهن تلبسنــــــــــــه
لبسن عليكن مثل لبس المجانيـــــــن * متقطعن حتى الظهر بان منــــه
العاريات الكاسيات الملاعيــــــــــن * ياويلهن من شي يواجهنــــــــــه
جداتنا باقي صداهن لها الحيــــــــن * الكم لامنه قصر طولنـــــــــــــه
لامالبسن لبست ديانا وناديـــــــــــن * والساق مثل كلوديا ماكشفنــــــه
وترى الحلا ماهو بكشف الكراعين * ولاهو بكشف الصدر ياللي تبنّه
ترى الحلا بالستر بس الستر ويـــن * دام اللباس الفاضح تأيدنــــــــــه
لاشفتهم بالعرس مثل الشياطيــــــن * حتى الشعر فوق الأذان أجبعنّـه
مالوم أنا من عندهن نقص بالديـــن * ألوم زوج خيّب الله ضنّــــــــــه
يمشي وراها مثل مشي البعاريــــن * لمطارد الموضه معاها تقنّــــــه
وليا نصحها قالت أسكت وبعديــــن * وإن ماسكت في كف يدها تصنّه
غصب عليه الحب فوق القوانيــــن * لاتحترم رايه ولا تخاف منــــــه
الجيب فاضي بعد جمع الملاييـــــن * بنات حواء ضاعن وضيّعنّــــــه
