|
الهليل والعبدالسلام ( شكرا لكم حان وقت الرحيل )
بسم الله الرحمن الرحيم
شباب انا كتبت هذا الموضوع بعد ماشاهدت أكثر من مباراة يلعبها هذا الثنائي
خلونا واقعيين يا شباب ! أنا ماادري وش تنتظر إدارة الهلال من هالثنائي المدهش
ببداء في الهليل : لاعب مايدري وين مركزه معه وكنترول على الكره صفر عالشمال
تمريراته مثل وجهه ولا استفاد منه الهلال على الرغم من عمره وإذا عندنا موجود خالد عزيز
وعمر الغامدي وسلطان البرقان وش ابغا بالهليل النكبه . هذا مايتعلق بالهليل
جاء دور العبدالسلام : هذا اللاعب مجتهد يعني يركض على عماها ولين جاء يعكس كوره عرضية
تقول واحد في صف أول ابتدائي يعني مايقوى يشوت الكوره ولاعب أناني ماخذ في نفسه مقلب انه
يعرف يسحب وصراحه اذا عندي ياسر الياس وعبدالرحمن العصفور انا وش ابغا بالعبدالسلام
بس الإدارة الهلالية أخطأت في إعارة العصفور للوحده لأننا بحاجة للعصفور اكثر من الوحدة
وإذا إدارة الهلال مااقتنعت بالياس نبغاها تتحرك تكتشف لنا موهبة بالجهه اليمنى
والا اقولكم حاجة والله يا محمد النزهان انه ابرك من العبدالسلام اللي لو يلعب في حواري ماافلح
بالنسبة لماجد المرشدي والله ياهاللاعب انه مكافح وانه فدائي ويجيب اهداف ومدافع ممتاز على صغر سنه
بس الهليل والعبدالسلام لا أهداف ولا مكافحين ولا فدائيين يلعبون على عماها
اتمنى انكم ما تبخلون علي بردودكم لأن الرد يهمني كثير ( واختلاف في الرأي لا يفسد للود قضية )ــ
ودمتم زعماء نصف الكرة الأرضية  | 