خذوا اللقاء هذا اللي صار بيني وبين واحد اتحادي محترم شوي لكن متعصب الى حد ما .. طبعا راح تعرفون النقاش من الاسلوب في اللهجة الجداويه والنجديه ..







- مبروك الفوز يا (أسود) انتا ... ( اسود = BLACK )

- الله يبارك فيك .. الدور عليك يا هلالي يا تعبان هاااه .. هادا الاتي ..

- يا حبيبي بدري عليك ... نجوم السما اقرب لك ... لا يكون صدقت نفسك بس .. ترا فوزكم كيف الحال ..

- اسمع يا واااد ... راح تاكلوها يعني راح تاكلوها ... هادا فريقكم ما يفوز الا برعاية الاتحاد الهلالي حقكم هادا ..

- ايه صادق .. والدليل البطولة الاسيوية اللي ضاعت علينا في تونس ؟؟

- ضاعت ... طيب مو اعطوكم 30% من اللاعبين ...؟؟

- طيب الاهلي هماهم عطوهم كل اللاعبين في كاس الخليج ؟؟

- آآآآآآآآآ ... انا ايش دخلني في الاهلي ؟؟

- وش دخلك .!!!؟؟؟ حلوة .. الحين انت تقول ان الاتحاد السعودي يساعد الهلال ؟؟

- انا اقصد التاجيل في المباريات واللف والدوران ... ليه خلوا مباراة الانصار والوحده قبل الهلال والطائي ؟؟؟ عشان تكون سهله على الهلال ؟؟؟

- وش قصدك يعني ؟؟ ( ما عرفت اجاوب ) ؟

- انا ما اقول لك ان الهلال ما يقدر يفوز على الانصار 6 .. ولا 10 ولا حتى 20 .. يقدر يفوز 50 كمااان ... بس لو كان الطائي خايف لا يخسر ويهبط ... على الاقل ما قدر الهلال يفوز 6 صفر كمااان ؟؟

- يعني قصدك الهلال يرشي الاندية الثانيه ؟؟؟

- لا ... انا اقصد ان الهلال تسهلت له وهو اصلا مو محتاج انها تتسهل ؟؟

- طيب هذاك اعترفت ان الهلال ما يحتاج تتسهل له .. يا حبيبي الهلال حطو له المباراة و لعبها ... اجلها ما اجلوها .. ما لنما شغل رح اسألهم ؟؟

- يا حبيبي الهلال على عيني وراسي ؟؟؟ وما نقول فيه شيء ؟؟ والله الهلال فريق قوي قوي ... لكن ليه يتساعد من الاتحاد السعودي ؟؟

- اي مساعده قصدك ؟... ال 30 % ... والا اللاعبين اللي يروحون المنتخب متعافين يرجعون مصابين ؟؟؟ والا التوقيف حق يوسف الثنيان ... ومواقف كثيره ما اذكرها ...

- على العموم .. الوعد يوم الربووووع .. ونشوف...

- الحين انتوا خلصوا من الاهلي اللي راح ياكلكم .. وبعدين تعالوا تفاهموا معنا ... وجهزوا العده لمحمد نور .. اوكيه ...

- شوف ... لو فزنا على الاهلي ... راح نفوز على الهلال ...

- ممكن .. بس ما راح تفوزون على الاهلي .. وحتى لو فزتوا .. هذا اهلي .. وهذا هلال ... فيه فرق يا بابا ..

- ايش قصدك بالعده ؟؟

- العدة ... ما تعرف العدة ... خلاص مهوب لازم ...

- اسمع يا واااد ..

- ترى ان قلت ياواد مره ثانيه مسحت بك الارض ...

- طيب اسمع ... شفت الاتحاد امس .. ايش رايك ؟؟ بعدنا عكم النصر .. هو النصر دايم قاعد ليكم ... ريحناكم منوه ..

- قال ايش عقدتنا ... اي عقده ... والله اني كنت اتمنى العب معهم النهائي ... عشان نعلمهم الهلال الحقيقي ..

- يا ابوي دايما الهلال قدام النصر .. ما يعرف يلعب ... ما ادري ليه .؟؟ كذا .. من ربك ... يرتبكوا ... المهم طلعناه وريحناكم منه .. بس لا تفرحوا .. احنا جايين .. النمووور جايين ..

- وشو القرود ؟؟
يا ابن الحلال .. لو علي كان حسبتكم كلكم مهزومين .. ما فيه فريق يستاهل يصير الثاني ...

- كيف يعني ؟؟

- يعني المفروض الهلال الاول ... والثاني .. ما فيه احد ... والثالث الاتحاد .. والرابع ما فيه احد بعد ..
المفروض كلكم مهزومين امس ..

- بالله ..

- لا تقعد تقولي بالله .. البلنتي مهوب صحيح خل عنا الكلام الفاضي ... شف انا هلالي و اكره النصر .. لكن الحق ينقال .. البلنتي مو صحيح ؟؟ صح والا انا غلطان .. البلنتي اصلا فاول للخوجلي ..

- بلنتي صح .. بلتنيت مو صح ... المهم ... فزنا ...

- عشان بس اعلمك ان فريقكم كله طقها والحقها .. تبيني اروعك ؟؟؟
الدعيع - سليمان - الدوخي - خليل - التمياط - سامي - الجمعان - الشلهوب - الغامدي - ( كلهم الحين دولين .. ) - العلي -
ندخل على الاجانب - ادميلسون - توليو ..
حبيب قلبيي .. والله فريق يرووووووع ... تعرف وش معنى يروع ..

- يعني .. انا كمااان عندي اسامي ...
حمزة ... ( ما بعد كمل كلامه .. )

- اي حمزة .. لا تقول حمزة ابليس ؟؟؟

- ايوه حمزة .. والله لعييب ...

- خلاص الله يرحم لي والديك .. لا تكمل ... يكفي ... ما دام حمزة اولهم .. قلت لاحين بيقول لي خميس العويران ... يمكن اتقبل شوي .. يمكن تقدر تمسكني مع اليد اللي تعورني ... تقول الحسن اليامي .. ونعم والسبعة انعام ... بس حمزة عاااد ... خلاص الله يرحم والديك اسكت ..

( ضحك عاد هو ... مثل اللي اقتنع من كلامي .. )

المهم .. لا يكثر الهرج .. الوعد يوم الاربعاء في الرياض يا تعبان .. واذا تبينا نسمك الخط ونروح سوا قدام .. ( احنا في الشرقيه .. ) بس بشرط .. لين فاز الهلال ترجع انت في بيجو اصفر ذاك اللي كلّه صنااان )

- ايش " صنان "

- ولا شيء .. المهم .. لا تنسى تقول لاي واحد تشوف ان النتيجه 3/1 .. للهلال ... اوكيه ... يالله فمان الله ..

- اسمع تيجي معاي القهوة ؟؟؟

- ليه .. بتروح تغسل سيارات ؟؟؟ ترا ممنوع ..

- بلا بهلله يا واد .. عشان نشيش ؟؟

- لا حبيبي ما ني رايق .. وانا خلاص بطلت ..
يالله فمان الله ..

- مع السلامه ..



ملاحظة يا شباب ... ترا هذا الحجازي خويي ويعز علي .. لا احد يغلط عليه ... هو بس متحمس ...

بس ودي احد يرد على سؤال التأجيل ... ليه تاجلت المباريات .. ابي جواب مقنع ؟؟؟