نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ¯°•.¸¸.•°¯°•.¸¸.•°¯ - خـــــربشـــــات

هلالي القرعاء · #6 15/09/2006, 03:40 AM

هلا والله بـ خربوشه (رعبوبه) ..

خربشه رائعه .. الله يعطيك العافيه ..

دخلت على الموضوع وأنزل وأنزل وأنزل .. قلت الموضوع طويل أرجع له بعدين <<<حركات زّوله

وقريت أول كم سطر وأعجبتني السالفه قلت كمل بس ..

.....

طبعًا التخويف من المدرسات شي طبيعي .. عشان ماتفكر البنت أن ثالث مثل غيرهــا من السنين ..

ويمكن بعضهن يحطن ثالث جحيم ..

ولازم تنقذون أنفسكم بأنفسكم .. الله يصلحهم ...

الجاااامعه وماأدراك ما الجامعه ..

أسمحي لي أبسولف وش صار لي :p

أول يوم .. السبت .. رحت الصبح الساعه 8 لأنهم منزلين جدولي بالنت بس مانزلوا المباني و المواعيد .. وأسأل نفسي أروح ولا ماأروح .. آخر شي رحت ..

دخلت المبنى .. السلام عليكم .. وعليك السلام .. أقول الله لا يهينك الجدول حقي نزل بس ماتحددت المباني ولا المواعيد ...

قال نحددهـ لكم بس أنت أدخل النت وتلقاهـ .. صاحي من عز نومي و ماحط مشواااار لـ الجامعه عشان هالكلمتين

طيب .. وأرجع البيت وبالليل لقيتهم محددين المواعيد والمباني .. قلت بس بكرهـ فيه محاظرات ..

أفتح الجدول .. في 3 محاظرات .. وأنا اللي آخذ دفتري وقلمي وأسمي بالله وأروح لـ الجامعه الموقرهـ ..

دخلت الجامعه .. رحت لـ المبنى .. وكل شوي جايني طالب يقول لي مكتوب بـ الجدول المبنى (DEB) وين هالمكان ..

وبـ خبرتي المعهودهـ قلت لهم هذا الله يسلمكم المعمل بـ المبنى هذا .. طبعًا وشلون أنا عرفت .. راح تقولون خبرتك ..

بقول لكم طبعًا لاااا .. علمني نايف الله يسلمه

(عاشق الغشيان 7)

جاء الوقت المحدد لـ المحاضرهـ .. وأنا واقف في إنتظار الدكتور يفتح الباب وندخل <<<على نياته ..

والله وتمر نص ساعه ولا جانا أحد

وأنا اللي أعصب وأركب سيارتي وأمشي ..

بس يوم جيت أطلع من الجامعه هونت قلت يمكن يجي الدكتور بالمحاظرهـ الثانيه :p

وأجلس والوقت مايمشي .. آخر شي مليت ومشيت ..

يوم الأثنين سلمكم الله رحت لـ الجامعه ولقيت العيال سألتهم جاكم أحد أمس قالوا لا ولا أحد عبرنا قلت زين ..

ونفس السالفه صارت في يوم الأثنين حيث أنه محد جانا وأنا أدور بـ دفتري وقلمي .. شاري القلم بـ 4 ريال ليييييش

والله وأعصب وأقول مابروح لا الثلاثاء ولا الإربعاء ..

<<<<<<ياطول الليل ماتبي تخلص أنت ..

معليش رعبوبه أحس أني سويت زحمه في الموضوع بس والله ماصدقت ألقى موضوع أفضفض فيه :p

.........

جميل ماكتبتي رعبوبه ..

الله يعطيكِ العافيه ..

وحكاية الغبار .. أنا من أولى إبتدائي لـ ثالث ثانوي ماقد دخلت المدرسه الا وألقى الكراسي والماصات مغبرهـ

وأطلع منيديلاتي <<<مدري وشلون طلعت :p
وأمسح كرسيـ(ي) وطاولتي ..

رمضان قرب الله يشرفه ..

الله يجعلنا من صوامه وقوامه ..

إقتباس


	معنى الصديق ..منهج الوفــاء والإخلاص..كاتم الأسرار ..وصادق الكلمه ..ولكن نرى أن في هذا الزمان أنعدم المعنى الحقيقي للصديــــق فمتى يعود إلى معناه الحقيقي المأخوذ من الصدق..

تبًا لذلك الصديق الذي خاااان .. الله يعطيه على قد نيته ..

ليس كل صديق صادق ..
بعضهم يكون صديق مُزيف وسرعان مايخون ..
وبعضهم ينقض الصداقه ويمحي جميع ماتحمله حروفها من معنى ..
قل ما نجد ذلك الصديق الذي لا يخون .. لا ينسى ولا يجفا ...

آآآهـ من خيانة الصديق

الله يصلحك يا نزار ...

أما عني فـ علمتني الحياة أن الناس فيهم الطيب والشرير ..
وليس كل إنســـان يحمل معاني الإنسانيه ..

دمتي مبدعه ،،