اقول يازين القرارات الشكليه بس ..
طيب في شي اسمه استخبارات سريه وشغلهم يراقبون رجال الامن وين راحوا؟!
خذوا هالسالفه اللي جاتني من شخص ثقه وانتم وضميركم..
احد المواطنين في مدينة الرياض كان مسافر خارج المملكه .. ولما عاد من سفرته ودخل بيته ويصيد حرامي داخل البيت!
تمكن المواطن من الامساك باللص وقيده يدينه ورجلينه ودخله بغرفه وصكر عليه الباب .. وقرر انه صباح اليوم التالي يجيب الامن ويكلبشونه .. لكن تراجع وقرر انه ياخده ويسلمه للشرطه!
نزل من حوش بيته ولقى بالصدفه قدامه سيارة دوريه .. قال فضل من الله .. ويسلمه للدوريه وتفاهم مع رجل الامن واتفق معه انه يراجعهم بكره في القسم الفلاني..
صباح اليوم الثاني ذهب صاحب المنزل وقال لهم ان فلان اللي انسرق بيتي امس وسلمته لرجل الامن وبقية التفاصيل .. قالوا له امس ماعندنا ولا بلاغ سرقه ولا جانا احد!
من هنا وهنا مافيه فايده .. راح لمدير القسم ونفس الحكايه ..راح لمسؤول اكبر وبدون فايده !
اتجه للاماره ودخل على الامير سلمان الله يطول بعمره .. وقاله السالفه كامله .. قاله الامير سلمان انت تعرف رجل الامن اللي سلمته الحرامي .. قال ايه .. وساله تعرف شكل الحرامي .. قال ايه..
ويامر الامير سلمان بجميع رجال الامن المناوبين في تلك المنطقه .. وصفهم صف واحد وجاب راعي المنزل!
جاء راعي المنزل وجلس يدور .. قال ياطويل العمر هذا هو رجل الامن ! والتفت على الجهه الثانيه وقال هذا الحرامي!
في مثل يقول .. انا وابن عمي على الغريب .. وانا واخوي على ابن عمي!
عوافي ابو راس ولاتحرمنا هالطله,,
