هذا نصراوي مقهور من الهلال كتب في احد المنتديات :
لماذا تشجع الهلال؟
كثيرا مااطرح هذا السؤال على الكثير من الاصدقاء الهلاليين ويردون باجابات مختلفه ؟؟ واحترت وقلت ابطرح السؤال هذا للجميع ولعلى اجد الاجابه الشافيه الكافيه ولكن قبل ان تجيبوا على سؤالي اليكم بعض الاجابات :
واحد يقول اشجعه لان الصحافه معه فابي اقرا الجرايد وانا مرتاح واشوف صور نجومي المفضلين واقرا مقالات تمدح فريقي في الطالعه والنازله !!

واحد ثاني يقول اشجع الهلال لانه فريق حكام
فانا ابي اشوف المبارات وان مطمئن ان حق فريقي مايضيع ؟؟ ولا اكتسب اثام من سب الحكام؟؟

واحد ثالث يقول لان الهلال فريق بطولات اذا دخل بطوله ماخذها ماخذها حق باطل ؟؟ واذا خسرنا عندنا صحافه تعطينا اسباب مقنعه تريحنا وتدور لنا واحد نحط ضيقتنا فيه ؟؟ مثل العمر مثلا

واحد رابع يقول لاني احب اخبار الحمير وادرة الهلال كلهم من عشاق الحمير وسباقاتهم فحببونى في الهلال وجمعت الاحباب كلهم؟؟

واحد خامس يقول لان الهلال عنده اعضاء شرف مايمديك تفكر في لاعب الا جايبينه لا ويعطون شرهات فقلت لعل يكون لنا نصيب ؟؟

واحد سادس يقول لان الهلال كل ماشارك في بطوله يستضيفها والملعب جنب بيتنا اروح احضر كل البطولات لفريقي ؟؟؟؟؟؟؟

واحد سابع يقول لان الاتحاد السعودي كلهم هلاليين قلتله طيب اثبت لي كلامك ؟؟ قال يووه الادله كثيره بس اللى اتذكره جاسم الهويدي يوم ياخذ
كرت احمر قدام النصر وبيحرمه الكرت يلعب المبارات الثانيه مع النصر تدري وش سوا الاتحاد السعودي ؟؟ قلت وش سوا ؟؟ قال قدموا مبارات سدوس حطوها قبل مبارات الاياب مع النصر عشان يروح الايقاف ؟؟ قلت معقوله قال ايه كله لاجل الهلال يهون قلت معك حق تشجعه

واحد ثامن يقول عشان نواف اشجع الهلال ؟؟ قلتله من نواف قصدك التمياط قال لالا قلت منهو اجل
قال مالك دخل ؟؟

هذا النصراووي مقهور من الهلال فاضي فريقه ما جاب بطولا تفرغ للهلال
فيه احد عنده تعليق على الاخ المجنون